Home Salud Task Force ta sigui cu control riba esnan cu tin cuarentena na...

Task Force ta sigui cu control riba esnan cu tin cuarentena na cas

400
0
SHARE
- Advertisement -

ORANJESTAD (AAN): Dialuna anochi durante conferencia di prensa di Gobierno, Sharline Koolman di DVG a mustra cu e controlnan di Cuarentena ta sigui.

    Aworaki Aruba tin 4 caso activo atrobe di Covid-19, y pa trankiliza pueblo si acaso esnan cu ta den isolacion of cuarentena, ta sigui.

   DVG a bisa cu nan Task Force ta controla, y a cuminza wordo controla caba.  Pues abo no sa ki ora Task Force ta yega, of ki ora nan lo yamabo na cas.

   Si acaso abo a wordo poni riba Cuarentena, bo tin di mantene bo mes na esaki.  Esnan cu wordo haya ta violando esaki, lo haya un boet masha picante mes.

    Si bo no kier a test na Airport, (sea bo ta turista of local) pa asina bo keda 14 dia den cuarentena, tuma nota cu Task Force ta bay controla na bo cas.

   Si acaso e dia siguiente abo a dicidi di toch kier haci un Covid-test pa bo sali di e cuarentena, corda cu e ora abo mes lo bay paga pa e test.  Pues AZV lo no cubri esaki.  Pues bo tin di pensa prome cu bo nenga e test na airport.

   Segun Koolman, durante weekend, DVG tambe a forma parti di e Task Force cu a haci control, y di parti di salud publico nan tabata hopi satisfecho.  Pues a nota cu e reglanan cu nan tin, a menciona esaki na e hendenan y tambe doño di negoshi, y a keda impresiona cu nan ta siguiendo cu e regla- y protocolnan. 

   TEST AWOR TA VIA DOCTER:

   Koolman a  remarca un asunto cu nan a bin ta notando ultimo dia.  Esta cu tin diferente hende ta yama DVG pa bisa cu nan ta bayendo na Centro di Diagnostico pa haci e test.

   Pero esey no ta socede asina mas!  Na momento cu bo ta sinti sintoma, abo tin di yama bo Docter di Cas. Esey ta unico manera pa haci bo test, no bay na e Diagnostic Center pasobra nan no lo yuda bo.  Pa colmo, awor e Diagnostic Center a muda pa Hospital.

  Pues pa haci e test di Covid-19, nan ta traha cu cita y bo mester haci esaki via bo Docter. Algo cu ta asina pa basta tempo caba y tur conferencia di prensa nan a bin ta ripiti esaki.

- Advertisement -

DUNA COMENTARIO

Please enter your comment!
Please enter your name here