Home Gobierno Ta wardando e conseho di e Comision ‘Zorg Toeslag’ pa wak kico...

Ta wardando e conseho di e Comision ‘Zorg Toeslag’ pa wak kico ta e cambionan cu ta bay bin na fabor di e gruponan mas vulnerabel

36
0
SHARE
- Advertisement -

Premier Wever-Croes relaciona cu cortamento di gasto den AZV:

ORANJESTAD (AAN):  AZV ta bay baha gastonan den tur su servicionan manera Dentista, Laboratorio, daggeldvergoeding, eigen bijdrage etc.

Un pensionado a tuma contacto cu DIARIO pa asina expresa su preocupacion indicando cu e pensionadonan di APFA, entre otro, cu ta paga pa luna -+ 500 florin na AZV.

E  pregunta cu tin ta cu si  awor nan mester sigui paga e bedrag aki na AZV of ta bay haya reduccion di e premie?

Prome Minister Evelyn Wever-Croes, den conferencia di prensa di gobierno diaranson anochi a duna contesta na e pregunta aki indicando cu ora cu gobierno mester a tuma e decision pa loke ta AZV, e tabata un decision cu nan mester a tuma hopi lihe y bao di hopi presion.

E decisionnan aki a wordo tuma y mientrastanto Aruba e entrega su plan y a pidi Hulanda un poco di flexibilidad. A haya esey den e sentido cu no mester corta necesariamente 5 miyon florin cada luna pa e ultimo 7 lunanan di e aña, sino cu riba e resto di aña tin cu corta 35 miyon florin, a indica.

Esey ta duna un flexibilidad  cu e prome lunanan talvez por corta un poco menos y despues un poco mas.

Door di esey a institui un comision cu ta bay yuda gobierno cu un conseho riba ‘Zorg Toeslag’ y ta bay mira con por yuda e gruponan mas vulnerabel. Den e caso aki tambe pensionadonan y e pashentnan cu mester di transporte pa bay dialyze.

Hunto cu e comision ta wardando nan conseho pa asina wak kico ta e cambionan cu ta bay bin na fabor di e gruponan mas vulnerabel. “Mi lo pidi un poco pasenshi pa esey”, e mandatario a expresa.

- Advertisement -

DUNA COMENTARIO

Please enter your comment!
Please enter your name here