Home Gobierno Surplus di 46 miyon di Gobierno a bira deficit di 1.1 biyon...

Surplus di 46 miyon di Gobierno a bira deficit di 1.1 biyon florin

77
0
SHARE
- Advertisement -

Derrick Werleman den su splicacion na gremio y sindicatonan

ORANJESTAD (AAN):   Director di Departamento di Financien, Derrick Werleman durante e cumbre cu gremio y sindicatonan a referi tambe na e parti presupuestario y kico ta e situacion di Aruba na e momentonan aki.

El a indica cu pa e aña aki tabata tin planifica un surplus riba e cuentanan di gobierno di 46 miyon florin. Esey tabata e situacion prome cu e pandemia di Covid-19.

E resultado cu tin premira aworaki ta un deficit di 1.1 biyon florin. E deficitnan di Aruba normalmente tabata den miyones y aworaki ta den biyon florin, a remarca.

E presupuesto di emergencia cu a wordo aproba na Maart ta papia di un deficit di 1.4 biyon. A rais di e proyeccionnan cu a haci aworaki, a ahusta e cuadro financiero pasobra ta bay tin proyecta toch un recuperacion.

E presupuesto di emergencia tabata sali for di e punto di bista cu a cera e fronteranan y cu e fronteranan ta keda cera pa resto di aña. Esaki no ta bay ta e cas y ta bay tin cierto nivel di recuperacion, a indica.

Asina mes, e paisahe financiero ta bay ta basicamente abismal, Werleman a splica.

- Advertisement -

DUNA COMENTARIO

Please enter your comment!
Please enter your name here