Home General Sra. Yuri Brachi a entrega manifiesto na Gobernador

Sra. Yuri Brachi a entrega manifiesto na Gobernador

54
0
SHARE
- Advertisement -

ORANJESTAD (AAN) – Un di e personanan cu a participa den e marcha di Diabierna cu e meta pa stop cu abuso di mucha, sra. Yuri Bracho, a bishita Gobernador Dialuna mainta.

Den entrevista cu DIARIO e dama a informa cu el bay Oficina di Gobernador pa entrega su manifiesto oficialmente, pasobra ta masha importante pa Gobernador sa di kico e ta trata, y kico a wordo entrega na Gobierno y na Ministerio Publico, como tambe na Corte di Husticia.

Sra. Bracho a menciona cu na Oficina di Gobernador el a wordo bisa cu den 30 dia e lo haya un contesta.

Tocante e manifestacion mes, sra. Bracho ta hopi contento cu e contesta di comunidad y e ta hopi contento cu esey. “Mi ta hopi orguyoso cu e pueblo a lanta”, sra. Bracho a expresa, indicando cu e acogida tabata sumamente grandi.

“Mi ta hopi gradici na prome lugar na Señor, pasobra manera mi a bisa for di principio, esaki ta algo di Dios pasobra nos mes no por lucha contra hero. Y ta yega momento cu bo tin cu bisa Dios tuma esaki y bay riba riba esaki”, sra. Bracho a agrega, y a subraya cu gobierno a haya e yamada y nan a wak cu pueblo mester di esaki.

E ta hopi contento tambe cu e contesta di Prome Minister y Presidente di Parlamento ora nan a ricibi e manifiesto. Y cu e hecho cu e dignatario a expresa cu nunca antes el a wak un marcha asina grandi di pueblo, cu el a bisa cu e mes a purba y ta purbando di haci e cambionan. Sra. Yuri Bracho ta hopi sigur cu e cambionan lo bin pronto.

El a indica tambe cu aki tres luna e lo subi caya bek pasobra abuso di mucha ta algo cu a bay for di man caba y a bira demasiado grandi. Tin varios aspecto cu e dama ta haya necesario pa cambia, no solo aumenta e castigo pero duna e abusadornan tratamento pasobra e comportacion aki ta un malesa y si no yuda nan profesionalmente e ta sigui.  E tratamento aki mester bira obligatorio mescos mester ta pa e victimanan, el a acentua.

 

- Advertisement -

DUNA COMENTARIO

Please enter your comment!
Please enter your name here