Home Turismo Siman pasa 16 mil hende a bishita e plataforma di inmigracion online

Siman pasa 16 mil hende a bishita e plataforma di inmigracion online

59
0
SHARE
- Advertisement -

Ronella Tjin Asjoe-Croes di ATA

ORANJESTAD (AAN):  E di dos topico pa cual Oficina di Turismo ta brinda asistencia a bira yuda pa completa e proceso di migracion online di ED-Card.

Esaki ta un sistema unico riba su mes y nobo cu Aruba a desaroya. E ta e prome filtro di ken mag di drenta y ken no por drenta, asina CEO di Oficina di Turismo, Ronella Tjin Asjoe-Croes a duna di conoce.

Ora cu el a wordo lansa siman pasa, un total di 16 mil hende a bishita e website aki. Di e 16 mil hende aki, mas o menos 9 mil ta di Merca.

Ta interesante pa sigui monitorea e interes riba e plataforma y pa a yega te na e punto ey locual kiermen cu e persona ta basta serio den su intension pa bishita Aruba, Tjin Asjoe-Croes a remarca.

El a corda cu tur residente cu dicidi di haci un viahe afo, na regreso, tur residente tambe mester bishita e plataforma aki y cumpli cu e proceso y e rekisitonan. ATA tambe a bin ta inverti hopi tempo den yuda studiantenan y diferente otro persona cu a tuma contacto cu nan durante e weekend cu a pasa, a agrega.

Ta pidi pa carga pasenshi y sigui raporta cualkier eventualidad cu por surgi, e ehecutivo di ATA a bisa.

E sistema tey pa un motibo y ta diseña pa filtra diferente aspecto cu ta importante. Locual ta pidi ta cooperacion y sigui e instruccionnan manera mester ta, el a agrega. 

- Advertisement -

DUNA COMENTARIO

Please enter your comment!
Please enter your name here