Home Comercio Setar IPTV ta yuda clientenan awor mira TV na cas riba multiscreen

Setar IPTV ta yuda clientenan awor mira TV na cas riba multiscreen

60
0
SHARE
- Advertisement -

Raul Ponson:

ORANJESTAD (AAN): Pronto tur cas na Aruba cu ta abona riba CableTV, lo bay cambia pa e sistema di Setar IPTV, y na mesun momento un forma nobo di WiFi ta cuminza funciona na bo cas, esta ‘Wireless Mesh”.  Den otro articulo por lesa riba esakinan.

   Raul Ponson kende ta Sector Manager di Asuntonan Tecnico na Setar NV, durante un presentacion pa prensa a mustra cu ademas di e mihor sistema di mira TV na cas, awor nan ta introduci tambe sistema di Multi-Screen.

   Awendia hopi hende kier mira nan programa di TV sea riba nan tablet of nan smartphone.  E solucion aki tambe ta bin cu un otro App cu yama “Setar Live”.  Aki bo ta usa e username y password di MiSetar, bo por drenta y mira TV unda cu bo ta den bo cas.  E ta traha hunto cu bo Wireless Mesh na bo cas.

   Asina Setar tin un sistema tremendo y facil pa clientenan.  Cada cliente lo haya un pakete di (1) Access Point box y tambe (2) Set-top box pa pone na TV.  Y cada Set-top box lo funciona como un WiFi.

   E proyecto di IPTV ta uno cu lo bay den fase. SETAR lo bay tuma contacto cu clientenan den diferente barionan cu ta bin na turno pa aplica pa e servicio di IPTV. Asina aki SETAR ta sigui innova y trece lo ultimo den tecnologia y servicio pa su clientenan.
   Ya caba tin como 50 cas cu a haya e sistema di Setar IPTV y Wireless Mesh aki, specificamente esnan cu ta bibando na Cochinilla (area di Santa Cruz).  Tambe lo instala pronto na Monteverde (area di Sero Biento).

   Ponson ta convenci cu e sistema nobo aki lo bay fix e congestion di trafico di data.  Awor cu bo tin 3 punto di WiFi den bo cas, tur aparato ta ponebo conecta automaticamente di uno pa otro ora bo cana den bo cas.  E sistema mes lo percura pa duna bo tablet of smartphone e mihor conexion.

- Advertisement -

DUNA COMENTARIO

Please enter your comment!
Please enter your name here