Home General Reapertura di frontera cu Merca a bay cu cero test positivo di...

Reapertura di frontera cu Merca a bay cu cero test positivo di Covid-19

331
0
SHARE
- Advertisement -

ORANJESTAD  (AAN): Diabierna 10 di juli Aruba a haci e reapertura di e frontera pa Merca, despues cu esaki a keda sera for di maart pa mas cu 3 luna.

Departamento di Salud a informa cu riba e prome dia di reapertura un total di 215 turista a wordo getest aki na Aruba di cual tur test a sali negativo. Esaki sigur ta un bon comienso pa Aruba riba e prome dia di reapertura.

   E proceso completo pa e turista, for di yegada na Aruba te cu salida di airport tambe a cana optimal segun plan. E proceso lo keda wordo evalua regularmente pa por brinda e miho servicio posibel pero mas cu claro teniendo na cuenta tur aspecto di siguridad.

Un palabra di agradecimento ta bay na tur organisacion, departamento, actornan y na cada persona cu a contribui na haci ful e proceso di reapertura di Aruba su frontera uno mas sigur posibel pa nos comunidad y nos turistanan.

E yamada na comunidad ta pa sigui cumpli cu e reglanan di prevencion cu ta encera higiena di man, si bo ta malo keda cas y haci un test, mantene distancia fisico di minimo 1.5 meter y evita mishi cu boca, nanishi y wowo.

E medidanan aki ta importante pa  por sigui preveni cu e virus por plama atrobe riba nos dushi pais.

 

- Advertisement -

DUNA COMENTARIO

Please enter your comment!
Please enter your name here