Home Parlamento Pueblo cuestionando Ministerio Publico

Pueblo cuestionando Ministerio Publico

101
0
SHARE
- Advertisement -

Parlamentario Endy Croes:

ORANJESTAD (AAN): Parlamentario Endy Croes ta splica cu Aruba ta pasando den momentonan hopi critico.

No obstante nos ta den un siman cu retonan grandi unda Hulanda ta pushando Aruba pa acepta un Rijkswet a cambio di placa cual ta contra e espirito di e Statuut art 38 lid 1 cual ta splica cu Nederland, de Nederlandse Antillen en Aruba “kunnen” onderling regelingen treffen.

Art 38 Lid 2 ta splica cu In onderling overleg “kan” worden bepaald, dat zodanige regeling en de wijziging daarvan bij rijkswet of algemene maatregel van rijksbestuur wordt vastgesteld.

Pues ta imposibel cu Hulanda eenzijdig kier pusha Aruba style di colonialismo moderno den un direccion asina sin duna Aruba tempo “redelijk” pa por tuma un decision ekilibra. Mas despues lo amplia riba e topico aki.

Mientrastanto Ministerio Publico ta keda bao atake den pueblo:

Ultimo tempo por tuma nota cu mas y mas Ministerio Publico ta bou atake di pueblo anto bastante feroz. Parlamentario Endy Croes ta splica aunke nos ta keda pidi pueblo pa tene poco mas pasenshi como cu Ministerio Publico mester tempo suficiente pa presenta  casonan fuerte unda politiconan corupto manera Benny Avestruz Sevinger of manera Mike Eman cu a tuma placa preto di Roberto Rincon no por scapa.

   “Nos tin compression pa pueblo como cu nan ta di opinion cu mas cu 2 aña a transcuri y ainda Benny, Paul y Mike ta cana liber anto cu hopi manteca riba nan cabez. Berdad e caso IBIS di Paul Croes x minister di AVP kende a percura pa duna mas di 2000 ontheffing a cambio di fabor esta soborna hende segun e rekesitor di Fiscal ta uno bochornoso y grandi. E caso Avestrus di otro x minister di AVP Benny Sevinger y su amiga Leoncita ta uno cu a supera e caso IBIS den magnitud di corupcion y fraude y alaves a comete soborno y pues ta un caso cu a tuma tempo pero Benny no por skapa di esaki y lo wordo persigui. Sumanan di mas di 3.5 miyon dollar a pasa den benta di un solo tereno na eagle. Banda di esaki caso “Wasmachine” di otro  x minister di AVP esta  x Minister presidente di Pais Aruba  Mike Eman himself a tuma placa preto di Roberto Rincon pa cumpra voto. Ken no ta corda e ciere di campaña cu un lighting parade cu 13 banda musical anto tur cos free of charge.”

   Pues esakinan entre otro ta loke pueblo ta reclama y ta bisa cu OM ta na soño. Sinembargo nan tarea ta pa calma pueblo creando speranza brindando Ministerio Publico espacio pa nan traha y hasi nan trabao usando forsa di ley pa hiba tur culpabel dilanti tribunal  pa finalmente hues por huzga politiconan cu a peca contra nos leynan pa nunca mas nan mishi cu placa di pueblo.    

- Advertisement -

DUNA COMENTARIO

Please enter your comment!
Please enter your name here