Home General Publico furioso cu a duna solamente 5 aña di prison pa Pedofil

Publico furioso cu a duna solamente 5 aña di prison pa Pedofil

191
0
SHARE
- Advertisement -

 ORANJESTAD (AAN): E manifestacion hamas bisto di Diabierna atardi, a demostra cla y raspa cu pueblo di Aruba awor si a fada y no ta acepta castigonan kens mas den Corte di Husticia, pa casonan unda pedofilnan tin di presenta dilanti Huez.

   E mesun mainta ey mes, e castigo di apenas 5 aña di prison pa e homber Jaime Trimon di 53 aña di edad kende a comete abuso di dos mucha menor di diesdos aña di edad.  Publico a keda asombra pa e castigo abao aki.  Nan a nota cu Fiscal mes a exigi 6 aña di castigo, pero Huez a baha esaki na 5 aña.

   Pa colmo mas den merdia tabatin un otro caso di abuso di mucha cu a wordo atendi, y ey a tende Fiscal exigi apenas 12 luna di castigo.

   “Algo ta full malo cu Ministerio Publico, Corte di Husticia, y esaki tin di yega su fin,” un dama cu tabata protesta Diabierna atardi a indica na DIARIO.

   Nan ta kere cu e manifestacion grandi aki dilanti Corte di Husticia mester ta suficiente pa Hueznan cuminza realiza cu pueblo di Aruba ya a fada di e castigonan ridiculo aki.

   E dama a bisa, cu nan ta kere cu e homber Jaime Trimon ey, envez di haya 5 aña di prison, lo mester a haya 12 aña di prison.  Pasobra Huez a lubida full den tur e pesadiya y problema cu e dos muchanan ey lo tin pa resto di nan bida.  Esey si Huez no ta tene cuenta cune.

 

- Advertisement -

DUNA COMENTARIO

Please enter your comment!
Please enter your name here