Home Turismo Proyeccion pa ocupacion den luna di Juli ta na 9% actualmente

Proyeccion pa ocupacion den luna di Juli ta na 9% actualmente

25
0
SHARE
- Advertisement -

AHATA: Recuperacion di turismo ta bay tuma tempo

*Hotelnan ta raporta cu ta ricibi cancelacion di reservacion continuamente

ORANJESTAD (AAN):  Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna y ta informa cu despues di 3 luna consecutivo sin turismo na Aruba e averahe di prome mitad di 2020 ta lo siguiente:

Ocupacion: E ocupacion na hotelnan a baha cu 50.6 punto compara cu e mesun temporada na 2019, yegando grado averahe di ocupacion di 35.3%.

ADR: E balor averahe di cada camber ocupa a subi te awor cu 19.1% compara cu e mesun 6 lunanan di aña pasa, yegando $357.74.

RevPAR: E entrada averahe pa tur camber disponibel, tabata $126.33; un reduccion di 51% compara cu e averahe un aña pasa.

   Proyeccion pa ocupacion den luna di Juli ta na 9% actualmente, aunke hotelnan ta raporta cu ta ricibi cancelacion di reservacion continuamente. Expectativa ta pa un crecemento gradual cu lo yega ocupacion di 40% na December, asina Tisa Lasorte di AHATA a duna di conoce.

   E temporada di recuperacion ta largo y ta un temporada unda gasto ta keda mas halto cu entrada pa companianan cu ta depende di turismo. Ta importante pa realisa cu e crisis economico ta nos dilanti ainda, creando e necesidad di ayudo financiero di Reino pa por mantene mas tanto compania habri cu ta posibel y mantene empleo den nos comunidad.

   Sin subsidio di salario y fiansa di Reino Hulandes den e lunanan nos dilanti, hopi negoshi lo mester bati bancarota y lo tin desempleo masal.

- Advertisement -

DUNA COMENTARIO

Please enter your comment!
Please enter your name here