Home General Presion di Hulanda tin hopi hende na Aruba den incertidumbre

Presion di Hulanda tin hopi hende na Aruba den incertidumbre

367
0
SHARE
- Advertisement -

ORANJESTAD (AAN) – Dialuna a habri cu hopi pregunta den e comunidad di Aruba, y por ripara cu hopi hende ta den incertidumbre, no solamente e trahadornan di sector publico, pero esnan di sector priva tambe.

Di un banda pasobra, manera ta conoci, Hulanda a pone un cantidad di condicion pa otorga Gobierno di Aruba e di tres parti di e fianza pa combati e crisis socio-economico y laboral causa pa e Coronavirus nobo.

Prome Minister a bay Hulanda y bin back, sin cu por a kita for di tapara e problema, pasobra awo ta depende di e gremionan di nos comunidad, esta sindicato y comercio, hunto cu parlamento cu ta representa e pueblo.

Kiermen, algo cu ni un hende a spera ainda e luna cu a pasa. Diferente hende cu ta expresando nan preocupacion ta sinti nan mes meymey di un oceano parti den dos awa. Uno, e situacion social di nos pueblo en general, mama y tatanan cu ainda ta depende di FASE pa hiba un pida pan riba mesa, otronan cu ta depende di subsidio di salario, tambe pa nan haya parti di nan entrada pa sostene al menos e minimo, nan famia, y e tambe e ambtenaarnan cu tambe nan salario ta den wega.

   Ta parce comosifuera cu Hulanda ta culpa su partnernan den Reino cu a surgi un pandemia yama Covid-19. Hulanda tin e poder financiero pa no laga su mes hendenan cay, pero Aruba y e islanan ruman no tine y como cu Hulanda ta worde considera como e “Pais Mama”, tabata di spera cu e lo tabata dispuesto di yuda sin cu a pone medidanan fuera di lugar, cu por mina Aruba su autonomia.

   Di dos ta precisamente e parti di salvaguardia e Statuto cu ta duna Aruba su autonomia, y cu kizas mayoria di e pueblo no kier pa Hulanda mishi cune, y muy posiblemente e gremionan y parlamento tampoco.

  Ta prome biaha cu un situacion asina dificil ta sosode na Aruba, y cu realmente no tin un claridad kico henter e pueblo por spera den e dianan cu ta bin.

 

- Advertisement -

DUNA COMENTARIO

Please enter your comment!
Please enter your name here