Home Cultura Premiere di e  documentario ‘Atardi’ dedica na Sr. Rudy Plaate

Premiere di e  documentario ‘Atardi’ dedica na Sr. Rudy Plaate

99
0
SHARE
- Advertisement -

ORANJESTAD (AAN) – Diabierna anochi Minister Maduro di Cultura a presencia e premiere di e documentario ‘Atardi’ di Selwyne de Wind cu ta relata e bida di e genio musical di Corsow sr. Rudy Plaate.

   Cu un bunita introduccion di dr. Joyce Pereira, den e pelicula por sera conoci mas di acerca cu Sr. Rudy Plaate como hoben, como empresario, como esposo y tata di famia y principalmente como autor di e musica cu ta conta nos historia.

  Atardi ta un di e piezanan mas conoci di Sr. Plaate y pesey ta hopi bunita pa mira con Sr. Michael Lampe di Aruba a transforma e cantica clasico aki den un bachi moderno pa asina por percura cu e bunita cantica aki por drenta mente y curason di nos hobennan tambe.

   Masha pabien na sr. Selwyne De Wind y na full e team cu a haci e grabacion di e documentario aki posibel den e transcurso di e 5 añanan tras di lomba. Danki pa conserva e herencia cultural aki pa nos tur di Aruba, Corsow y Bonaire.

    Un pabien y un palabra di gratitud na Sr. Rudy Plaate pa a sa di deleita nos tur cu su creatividad sin igual y enrikece nos cu musica cu ta conta nos historia y den nos dushi idioma Papiamento. E pelicula Atardi ta corda nos cu nos ta Pueblonan bendiciona cu hopi talento y nos tin un herencia cultural pa sinti nos mes orguyoso di dje.

   Minister Xiomara Maduro ta extende un invitacion na publico en general pa mira e bunita documentario aki cu ta ser pasa na The Movies Principal na San Nicolaas.

 

- Advertisement -

DUNA COMENTARIO

Please enter your comment!
Please enter your name here