Home General Porfin lo duna e pida caminda aki na Pos Abao un capa...

Porfin lo duna e pida caminda aki na Pos Abao un capa nobo di asfalt

85
0
SHARE
- Advertisement -

ORANJESTAD (AAN): Departamento di Obra Publico ta informa pueblo di Aruba en general y specialmente e automobilistanan cu diahuebs 16 di juli 2020 y diabierna dia 17 di juli 2020 lo cera e caminda di Pos Abou pa asina cuminsa raspa/frees e caminda y despues asfalta.

   E caminda cu ta bay asfalta lo ta di Pos Abao 10 te cu Pos Abao 17. Manera a menciona cu diahuebs y diabierna lo cuminsa raspa/frees e caminda for di 8’or di mainta te cu 4’or di atardi.

   Dialuna dia 20 juli 2020 te cu diamars dia 4 di augustus 2020 e caminda lo keda cera completamente pa asina por haci trabaonan di asfaltamento.

   Desviacion via Ponton lo ta via Cocorobana y Pitastraat y desviacion via Pos Abou lo ta via Caya Soeur Dorothea, Caya Soeur Desaderia, Caya Soeur Gararda Majella, Caya Soeur Dionysia, Schotlandstraat sigui pa Caya Ritmo.

   En conexion cu esaki Departamento di Obra Publico ta haci un peticion pa no haci uzo di e area di construccion y ta pidi tur automobilista, negoshi y otro usuario pa tene cuenta cu e inconveniencianan cu e trabaonan aki lo por ocasiona, pa cual DOW ta ofrece su disculpa.

   E potret aki ta mustra con e caminda di Pos Abao tabata ora el a habri 24 aña pasa, y su situacion actual.

- Advertisement -

DUNA COMENTARIO

Please enter your comment!
Please enter your name here