Home Policial Polis notando cu casonan di ladronicia di mata ta aumentando

Polis notando cu casonan di ladronicia di mata ta aumentando

564
0
SHARE
- Advertisement -

ORANJESTAD (AAN): E ta algo cu a bin ta registrando ultimo simannan na Aruba.  Den algun caso, tin ciudadano cu no ta tuma molester pa denuncia hortamento di mata na nan cas.  Pero toch otronan si ta hacie, y esey ta pone cu awor por nota un aumento.

   Siman pasa mes, tabatin dos caso cu a keda registra.  Uno tabata na Bislickstraat na San Nicolas unda cu ladron a horta mata di coco bay cune.  E ciudadano cu a denuncia esaki, a mustra cu e tin hopi mata di coco.  Ladron a yega y bay cu uno di nan, cu tin balor di 600 Florin.

   Siman pasa tambe, hendenan a mira un homber den cura di bisiña na Turibana y e persona aki a pasa man riba algun mata y a baha bay cu nan.  Den e situacion ey, Polis a bay controla den area, y den Eckmeyerstraat den Casnan di Pueblo na Noord a bin topa cu un persona cu posiblemente ta envolvi den e hortamento di mata.

   Diaranson madruga, ladron a pasa bishita un Restaurant di Seafood riba Avenida Nelson Oduber.  E negoshi tin security camera, y nan a nota cu atrobe ta e mesun persona a bay pa horta mata cu tin eynan pa decora e lugar.

   Despues di e prome ladronicia, gerencia di e Restaurant a dicidi na bora y mata tur cu bolts pa dificulta hortamento.  Pero nan a ripara cu Diaranson madruga, ladron a bin bek y tabata prepara pa los e boltnan.

   Ta un actitud inaceptable pa net aworaki cu industria di horeca ta pasando den momentonan dificil, cu ladron ta dicidi na horta matanan cu ta haci e lugar atractivo pa nos hendenan local y turista.

   Riba e potretnan por mira e desastre cu nan a laga atras, y tambe por mira imagen capta di video di e ladron.  Si acaso abo ta reconoce e persona aki, bo por yama Tipline di Polis na 111-41 pa denuncia e persona.

   Un advertencia tambe na esnan cu ta cumprando mata di hendenan dudoso.  Corda cu loke bo ta haciendo, tambe ta castigable pa ley y lo bo tin di bay responde pa esey te dilanti Huez.

 

- Advertisement -

DUNA COMENTARIO

Please enter your comment!
Please enter your name here