Home Salud Personal di DVG ta controla e testnan cu ta wordo ‘upload’ riba...

Personal di DVG ta controla e testnan cu ta wordo ‘upload’ riba e plataforma di imigracion online

53
0
SHARE
- Advertisement -

Relaciona cu posibilidad di resultadonan falso

ORANJESTAD (AAN):  Esnan cu kier bishita Aruba tin dos opcion. Haci e test di Covid prome cu yega Aruba of hacie na Aruba mes.

Relaciona cu esaki tin algun pregunta den comunidad relaciona cu e prome opcion, cual ta esun di haci e test afo y ‘upload’ e resultado negativo pa medio di e plataforma di imigracion online cual ta esun relata na e ED-Card.

Pero tin posibilidad di fraude pa loke ta e resultadonan. Tin un mecanismo pa por verifica cu e resultadonan aki ta di confia y cu no ta un prueba ‘fake’?

Relaciona cu esaki, Sharline Koolman di Departamento di Salud y miembro di e Crisis Team a splica cu ta berdad cu ta asina cu e resultadonan aki ta wordo manda pa medio di e plataforma.

Ta pidi pa haci esaki entre 72 ora y 12 ora prome cu e viahe. Tin personal di DVG encarga cu e control di e resultadonan. Si tin pregunta of duda, nan ta haci e pregunta na e persona di biaha via un email y si mester ‘upload’ algo mas lo por haci esaki, a agrega.

Sinembargo, relaciona cu e pregunta mes, no a keda mucho cla kico ta e manera di verifica e veracidad di e test. Pero e CEO di ATA, Ronella Tjin Asjoe-Croes a duna di conoce cu ta keda confia riba e veracidad di e proceso y cu tur persona tin cu pasa den e sistema di chekeo ora di yega Aruba.     

- Advertisement -

DUNA COMENTARIO

Please enter your comment!
Please enter your name here