Home Parlamento Partido MEP ta recorda cu ta AVP ta esun cu a entrega...

Partido MEP ta recorda cu ta AVP ta esun cu a entrega autonomia di Aruba

356
0
SHARE
- Advertisement -

ORANJESTAD (AAN): Parlamentarionan di AVP un cos cu nan por bon ta lubida loke nan a causa e pais aki. Partido MEP a tuma nota un biaha mas di manipulacionnan di berdad cu ta biba den cada integrante di e partido berde.

   No ta pornada nan a sinta den klas den e Scol di Corupcion di AVP. Den e caso aki, nos por menciona Parlamentario Mervin Ras Wyatt kende tin cara pa bisa cu Gabinete Wever-Croes a entrega autonomia financiero di nos pais.

   Ta tempo pa e integrantenan riba e lista berda haya les di sinceridad of un cura pa nan amnesia. AVP mester realisa cu ta nan mes, na aña 2014, a entrega e autonomia financiero di nos pais y awo no tin nada mas pa entrega.         

   Por  corda cu na juli 2014, Mike Eman a acepta CAft pa investiga e presupuesto. A acepta tambe adelanta cu e lo sigui tur e condicionnan y recomendacionnan di CAft mientras cu e tempo ey ni sikiera tabata tin un ley pa haci esaki. Asina mes, Mike Eman a doblega y a entrega nos autonomia financiero.

   Na 2015, Mike Eman a bin cu e ley di LAft na unda cu e ta pasa e autoridad financiero di Parlamento pa CAft. Completamente, Fraccion di AVP a sostene e ley aki, apesar cu pueblo a protesta, apesar cu sindicatonan a vocifera cu nan no ta di acuerdo, Fraccion berde, incluyendo Mervin Wyatt Ras, no a scucha ni pueblo ni sindicato, y a sostene e ley y e ley a pasa toch.

   Ta bon pa AVP realisa y acepta cu t\a nan a entrega e autoridad financiero di nos pais y no a resta nada mas pa worde entrega aworaki.

- Advertisement -

DUNA COMENTARIO

Please enter your comment!
Please enter your name here