Home Gobierno Situacion na KIA ta pa falta di comunicacion entre gerencia y trahadonan

Situacion na KIA ta pa falta di comunicacion entre gerencia y trahadonan

99
0
SHARE
- Advertisement -

Minister di Husticia mr. Andin Bikker

ORANJESTAD (AAN): Minister di Husticia mr. Andin Bikker diamars atardi tabata den reunion cu miembronan di staf di KIA, representantenan di sindicato TOPA y sindicato Seppa p’asina yega na palabracion despues cu a surgi malcontento di e trahadonan di KIA.

   Manera ta conoci, e trahadonan den oranan di diamars merdia a tene un reunion pafo di e instituto pa asina tende nan disgusto. Minister Bikker mesora a tuma nota di esaki y a invita nan pa un reunion cu a tuma luga na Bestuurskantoor pa 3’or.

   Despues di e reunion, Minister Bikker a declara cu e reunion a bay den un bon ambiente unda por a sinti cu e malcontento cu a bin di parti trahadonan di KIA ta debi na medidanan y decisionnan tuma siman pasa pa leiding di KIA pa proteccion den cuadro di Coronavirus.

     Tabatin diferente falta di comunicacion y esey a pone cu cierto cosnan a escala cu mester a bay over na prohibicion di entrada di BOT K-9. Minister Bikker siman pasa a papia cu representantenan di sindicato TOPA,  sindicato SEPPA, trahadonan y representante di BOT K-9 unda por a haya hopi claridad.

  Cu e reunion aki Minister Bikker por a conclui cu tin falta di comunicacion y tambe a haci un apelacion na DRH pa ta presente Diaranson mes pa na mesa sinta scucha e banda di medaya di e team di BOT K-9.

   Cu e reunion aki por yega na un reevaluacion pa loke ta e prohibicion di entrada di BOT K-9 na KIA y asina trece pas laboral den esaki.

   Pa loke ta e reunion di 1 ora pafo di e instituto diamars merdia, Minister Bikker a adresa esaki den e reunion unda a bin diferente punto dilanti.

   E mandatario ta kere cu despues di e reunion cu DRH, mesora mester cuminsa dal e stap den e direccion di comunicacion pa loke ta trata BOT K-9 pa yega na un solucion di e situacion cu a presenta pa nan por reactiva.

    E otro preocupacion di e trahadonan di KIA mes ta e maaltijdbonnen y e decision cu leiding a tuma cu nan ta haya cu mester a consulta cu e trahadonan prome.

   Awe Diahuebs 11’or Minister Bikker lo bay tene reunionnan intensivo pa mehora y optimalisa e liñanan di comunicacion y tur esaki den interes general y bienestar di pais Aruba.

- Advertisement -

DUNA COMENTARIO

Please enter your comment!
Please enter your name here