Home Parlamento Parlamentario Shailiny Tromp-Lee indigna cu no a haya acceso na e Documento...

Parlamentario Shailiny Tromp-Lee indigna cu no a haya acceso na e Documento di Hulanda

130
0
SHARE
- Advertisement -

Condicionnan lo trece consecuencianan serio pa Aruba:

ORANJESTAD (AAN)—Den conferencia di prensa di fraccion di MEP, Parlamentario Shailiny Tromp-Lee a referi na e situacion cu Gobierno ta enfrentando na e momentonan aki, relaciona cu e sosten financiero di solidaridad, cu Gobierno a pidi Hulanda pa yuda nos poblacion, den e momentonan aki, cu ta enfrentando un crisis social y cu tin mester di e fondo aki, pa yuda nos famianan cu ta pasando den gran necesidad.

E Parlamentario a subraya cu pa haya e prome y di dos financiamento Aruba a cumpli cu tur e rekisitonan cu Hulanda a pone, pero cu Hulanda su exigencianan pa esun di tres, ningun hende a spera.

Pa otorga Aruba un di tres financiamento pa cumpli cu e compromiso social, manera FASE, Subsidio di Salario y pago di salario di ambtenaarnan, Tromp-Lee a splica cu nunca el a pensa, e lo bin condiciona den un documento di 218 pagina den cual tin 18  condicion,  di cual algun a wordo trata, Diamars, na un forma masha superficial.

El a subraya cu e ta sinti su mes indigna, pasobra como Parlamentario, pues representante di pueblo, e no a haya acceso na dicho documento. Informacion cu Parlamento a haya di Prome Minister,

Minister di Finanzas y expertonan cu tabata den sala, Diamars, ta indica cu e documento aki ta indicativo, cu lo bay trece consecuencianan serio pa e pueblo, fuera di minimiza Aruba su autonomia.

E Parlamentario a expresa cu e ta pidi pueblo y su coleganan politico pa uni pa loke berdaderamente ta importante pa nos pais, pa salvaguardia loke tanto Aruba a lucha pe, y pa no lubida cu e decision den e lucha ta bay tin consecuencia pa e pais.

E dama parlamentario ta indigna cu gobierno a haya tres di tempo (te diabierna awo) pa acepta e condicionnan di Hulanda. “Indigna pasobra mi no por haci mi trabao; indigna pasobra mi ta mira cu tur e posible consecuencianan; indigna pasobra tin hende ta haci wega eyfo sin realiza kico ta e consecuencianan”, e parlamentario a expresa.

- Advertisement -

DUNA COMENTARIO

Please enter your comment!
Please enter your name here