Home Enseñanza Parce cu Minister di Enseñansa toch tin varios motibo pa cera Prins...

Parce cu Minister di Enseñansa toch tin varios motibo pa cera Prins Bernhardschool

480
0
SHARE
- Advertisement -

Docente, studiante y mayornan a manifesta diabierna tempran

*Cabesante cu carta mustrando cu ponencianan no ta cuadra

ORANJESTAD (AAN):  Diabierna mainta na Prins Bernhardschool tabata tin basta movecion relaciona cu e echo cu a haya notificacion cu esey tabata e ultimo dia di scol y cu despues di esaki e scol ta cera.

E docentenan cu a manifesta a bisa cu nan a scucha den e siman aki diferente motibo pakico scol tin cu cera. Entre otro cu e resultado ta malo, cu no ta un scol, cu e docentenan tin un otro trabao caba, cu cabesante ta di acuerdo pa cera e scol, etc.

Asina a tende hopi version y motibo. Parce cu e cabesante e siman aki a wordo yama y intimida y pesey e docentenan ta di opinion cu esey ta algo cu no por.

Diabierna mainta a presenta un carta cu e cabesante di scol mes a traha unda e ta bisa cu e ponencianan cu ta wordo bisa no ta cuadra. Ta wordo bisa cu e cabesante ta di acuerdo pa cera scol.

E cabesante ta bisa cu te dia di awe ningun momento e no a sinta cu minister di enseñansa riba nada di ceramento di Prins Bernhardschool.

Hunto cu e docentenan tabata tin e muchanan  y tambe mayornan cu a presenta diabierna pa sostene e accion.

E unico garantia cu tin ta e carta cu Prome Minister a manda dia 16 di juni unda e ta bisa cu Prins Bernhardschool ta keda habri pa aña escolar 2020-2021.

Scol mester cera dia 10 di Juli y awor kier cera e scol dia 3 di Juli. Pesey a cuestiona unda e leerplicht di e muchanan a keda.

Pesey docente, maestronan y alumnonan ta vocifera nan disgusto ya cu nan a wordo intimida bisando cu diabierna ningun mucha mag di bay scol.

Nan ta keda para riba e carta cu Prome Minister a manda. Esey ta e carta cu ta vigente pa nan te ora cu nan haya un otro. Aworaki, segun indicacion, Minister di Enseñansa ta presentando diferente motibo pa cera e scol, pero te ainda ningun carta no a sali cu ta bisa cu e carta di 16 di Juli, cu Minister Presidente a manda tabata un eror humano y cu Prins Bernhardschool ta cera toch.

Parce cu e modus operandi ta yama na telefon pa intimida, sin traha notulen, nada riba papel pa despues bisa cu no ta berdad y bira palabra. E docentenan ta haya cu esey ta un falta di respet.      

- Advertisement -

DUNA COMENTARIO

Please enter your comment!
Please enter your name here