Home General Pantaya di Drive-In ta bira posible danki na 10 container

Pantaya di Drive-In ta bira posible danki na 10 container

1649
0
SHARE
- Advertisement -

ORANJESTAD (AAN): E trabao di pone un pantaya blanco riba tereno di Drive-In na Balashi a finaliza.  E biaha aki envez di a crea un frame di hero cu plachinan blanco di zink, a opta pa crea un base consistiendo di 10 container bon geweld y ancra riba otro, segun tur reglamento di seguridad. 

   A agrega cierto peso den cada container, pa asina e keda como un fondo solido cu por resisti hasta biento fuerte.

   E trabao na Drive-In ta siguiendo, y contratista ta haciendo varios trabao na mesun momento.  E biaha aki Drive-In lo bay haya un cura di concrete, y varios trabao di patch-up di cement na e edificio a keda cla, y ta hasta ocupa ta white-wash e muraya.

   E nomber di e lugar lo cambia awor pa uno mas trendy di e epoca aki.  E lo bira “The Movies @ Drive-In”.

   E meta ta pa habri den luna di Juli ainda.  Aunke tin di bay instala ainda equiponan di e area di concession, y tambe e proyector digital nobo special traha pa Drive-In.

- Advertisement -

DUNA COMENTARIO

Please enter your comment!
Please enter your name here