Home General Pandemia di Coronavirus por empeora hamber na Venezuela

Pandemia di Coronavirus por empeora hamber na Venezuela

119
0
SHARE
- Advertisement -

ORANJESTAD (AAN): Prome cu e brote di Coronavirus nobo, ya caba como 9.3 miyon hende na Venezuela tabatin problema caba pa haya cuminda tur dia.

   Pero awor, e pandemia di Covid-19 por empeora hamber na Venezuela, y na paisnan Centro Americano manera Nicaragua, El Salvador, Guatemala, y Honduras, segun un rapport nobo emiti den fin di siman pa Oxfam.

   E rapport ta parti di un relato global cu a studia e caso di paisnan na Latino America unda tabatin crisis pre-existente caba, y den cual awor e “pandemia lo bay tin un efecto negativo inminente riba un plazo inmediato.”

   Prome cu e pandemia, como 4.5 miyon hende na Centro America tabatin dificultad pa haya cuminda.  Na Venezuela e tabata 9.3 miyon hende.

   Den caso di Venezuela, segun Oxfam for di ora cu e brote di Coronavirus a cuminza, varios factor cu ta influencia e capacidad di poblacion pa haya cuminda, a empeora.  Aki ta menciona e hiperinflacion, e desempleo, y e caida di placa cu ta wordo manda pa famia for di exterior.

   E scarcedad di gasolin pa colmo ta strobando e funcionamento normal di e sector di agricultura, y asina e suministro di cuminda ta deteriorando.

   Segun Oxfam, e parti di zona di costa Pacifico di Centro America, lo por haya problema cu hamber pasobra eynan produccion di agricultura no ta bayendo bon, como cu e region ta hopi seco.  Na e paisnan ey e restriccion di movimento y scarcedad di cuminda, a pone cu prijs di productonan basico manera maishi y boonchi a subi substancialmente.

   E factor aki a uni cu e caida di entrada di poblacion, cu aparentemente a cay cu 20% durante crisis di Coronavirus, empeorando e crisis di alimento.

 

- Advertisement -

DUNA COMENTARIO

Please enter your comment!
Please enter your name here