Home General Pa Januari lo tin un persona nobo na timon di Kooyman Group

Pa Januari lo tin un persona nobo na timon di Kooyman Group

235
0
SHARE
- Advertisement -

ORANJESTAD (AAN): Un boletin emiti Dialuna atardi, a mustra cu entrante 1 Januari 2021, Juri Kooyman lo bay tuma over e puesto di CEO di Kooyman Group.  Esey ta loke e compania di Hardware y Material di Construccion cu sede na Curacao a revela.  Juri Kooyman lo tuma e puesto over for di Herbert van der Woude, kende tabata e CEO di Kooyman Group pa e ultimo 14 añanan.

   Den e ultimo seis aña aki, Jury Kooyman tabata un miembro di e team ehecutivo di maneho di Kooyman, responsable pa operacion di tiendanan, y benta comercial. 

   El a uni cu e compania na 2006 como un Assistant Store Manager na Dakota (Aruba), despues di cual el a bira e prome Store Manager cu a habri na Primavera riba Watty Vos Boulevard. 

   Su puesto eynan awor lo wordo ocupa pa Job Laboyrie, cu ta un manager veterano di Kooyman cu aworaki ta supervisando e finalizacion di e proyecto pa habri un tienda na Barbados.

   Como CEO, Juri Kooyman su prioridad lo bira pa sigui agiliza y stabiliza ainda mas e prestacion di e Grupo despues di e crisis di Coronavirus.  Na mesun momento, e lo enfoca riba e integracion di e tienda di Barbados den mercado local y comunidad y den e proceso di trabao general interino. 

    Pa ultimo, e lo supervisa e esfuerzonan pa re-alinea e cultura di “cliente prome” di e Grupo despues di mas di un aña di distraccion debi na e implementacion di un sistema ERP nobo.

   Ta ser spera cu e implementacion aki lo finaliza na fin di September y lo forma e lomba di e strategia di transformacion digital di e Grupo pa prepara pa futuro desaroyonan di mercado y na mesun momento atende su mercadonan di forma mas efectivo.

   “Nos tin hopi di gradici na Herbert pa su compromiso como nos top ehecutivo di compania,” ta loke chairman Bastiaan Kooyman a declara.  “Bao su liderato, Kooyman a converti su mes den un compania lider di hardware y material di construccion den Caribe.  Pesey nos ta contento cu e lo sigui usa su conocemento, red y experiencia pa e compania cu su entrada den e Supervisory Board entrante 1 di Januari 2021.”

   “Preparacionnan pa e momento aki ta bin ta wordo haci pa basta tempo caba.  Nos lo ta haciendo e cambio oficialmente dia 1 di Januari, y mi ta ancioso pa e dia ey,” e CEO entrante a bisa.  “Kooyman ta conoci como un compania ambicioso, inovador, y dinamico cu ta hopi centra riba e cliente.   Nos lo kier mantene y mehora esey. 

    Cu e crecimento di ultimo añanan y e apertura di tienda na Barbados, nos lo busca pa expande aun mas nos posicion di liderato den e region ora di sigui cu nos strategia existente, pero na mesun momento pa aumenta e enfoke riba digitalizacion y sostenibilidad.”

 

- Advertisement -

DUNA COMENTARIO

Please enter your comment!
Please enter your name here