Home Comercio “Nos no por predeci futuro pero nos por prepara si”

“Nos no por predeci futuro pero nos por prepara si”

64
0
SHARE
- Advertisement -

Presidente di KvK Satish Daryanani:

ORANJESTAD(AAN): Diaranzon mainta despues cu Prome Minister a duna un splicacion na gremio y sindicatonan riba e negociacionnan cu Hulanda pa loke ta e sosten financiero, e gremio y sindicatonan a haya chens pa reacciona door di duna comentario, of haci pregunta.

E prome cu a bin pa dilanti tabata presidente di OPPA Ivo Valdez.

El a papia riba e entidad cu Hulanda kier bin cune na Aruba y el a bisa cu apesar cu a bisa cu ta bay nombra 3 persona pa ta den e entidad, no a wordo bisa si ta bay ta personanan local of no.

“Den nos opinion e entidad no ta duna ningun espacio pa maniobra”.

Mi ta kere cu den e combersacionnan cu ta bay tin cu Hulanda, lo ta importante pa laga sa ta bon pa duna Aruba e oportunidad pa duna di conoce kico ta e deseo di pueblo, segun Valdez.

El a bisa tambe cu hisamento di edad di pensioen te cu 67 aña ta algo fastioso, pasobra hopi hende tin problema caba cu e pensioen na 65 aña.

Specialmente mirando e porcentahe halto di obesidad y sobrepeso cu tin na Aruba.

Despues di Valdez presidente di Camara di Comercio Satish Daryanani a bin dilanti pa bisa cu e retonan riba aspectonan social /economico y tambe di tecnologia cu tur pais incluyendo Aruba tin cu enfrenta pa e proximo 20 añanan lo rekeri un enfoke pragmatico.

“Nos no por predeci futuro, pero nos por prepara si”.

Nos tin fe cu hopi di nos lo pone Aruba prome y nos ta pidi Dios duna forza na nos Proem Minister pa sigui guia nos comunidad pa dilanti, segun Daryanani.

Presidente di FTA Hubert Dirksz a hiba palabra tambe y a bisa cu Aruba su economia no ta diversifica manera cu ta wordo desea, pero cu e parti bon ta cu e cifra di empleo ta halto.

“No ta tur caminda e beneficionan ta mescos y esaki ta conta tanto pa sector publico, como tambe sector priva”.

Tin comportacionnan bon y malo na diferente nivel, tanto di e trahador como tambe di e dunador di trabao.

Nos ta kere sigur cu mester haci un analisis den e parti aki, pa wak kico por drecha, segun Dirksz.

El a bisa tambe cu FTA tin diferente pregunta pa loke ta flexibilizacion of adaptacion di e leynan laboral.

“Con por ta, ta crea seguridad laboral y aumenta empleo, cu flexibilizacion of adaptacion di leynan laboral”, ta un pregunta clave segun e presidente di FTA.

 

- Advertisement -

DUNA COMENTARIO

Please enter your comment!
Please enter your name here