Home General Ministerio di Boluntario di Freewinds y bomberonan a haya aplauso den misa

Ministerio di Boluntario di Freewinds y bomberonan a haya aplauso den misa

53
0
SHARE
- Advertisement -

ORANJESTAD (AAN): Ministerio di boluntario di Freewinds  y e departamento di bombero di Aruba  ta trahando hunto pa mas di dos luna pa yuda combati e plamamento di Covid-19 y prepara nos isla pa reapertura di Turismo.

   Como parti di e trabao aki nan a yuda desinfecta 10 misa sabiendo  e importancia clave cu religion tin den un sociedad, specialmente den e temponan dificil aki.

   Como muestra di gratitud e boluntarionan di Freewinds y e cuerpo di bombero a worde invita na Misa Santa Teresita di Nino Jesus na San Nicolas. Pastor Rafel Cananea a extende e invitacion.

   E invitacion a worde extende door cu e cuerpo di Ministerio di Boluntario y bomberonan di Aruba a desinfecta e misa aki pa proteha e feligresnan contra Covid-19.

   Durant’i misa Pastor Cananea a haci e siguiente anuncio,” Un danki special ta bay pa e ministerio di boluntario di sciensologia di Freewinds cu a yega aki y a desinfecta e misa cu D7, Hopi danki!”

   Loke ta importante den e temponan aki ta pa mantene seguridad door di aplica accionnan preventivo manera; desinfecta, mantene distancia social y labamento di mannan pa preveni cu Covid-19 ta plama.

   E ministerio boluntario di Freewinds y e cuerpo di bombero ta trahando como un ekipo desinfectando scolnan, centronan di comunidad, casnan di anciano y esnan descapacita, wardanan di polis etc, cubriendo mas di 1.125.000 pia cuadra di  espacio.

   Solamente door di traha hunto y sigui e guianan pa preveni e plamamento di e enfermedad nos ppr segura cu e isla ta keda sigur, comercio ta keda habri, turista ta sigui yega na nos isla y nos isla por lanta cabes atrobe.  Asina Aruba su economia por recupera.

- Advertisement -

DUNA COMENTARIO

Please enter your comment!
Please enter your name here