Home Parlamento Mike Eman no a sali duna cuenta ainda riba 50 mil dollar...

Mike Eman no a sali duna cuenta ainda riba 50 mil dollar cu el a ricibi di Roberto Rincon

85
0
SHARE
- Advertisement -

Parlamentario Endy Croes: 

ORANJESTAD (AAN): Parlamentario Endy Croes ta bolbe reta Mike Eman pa sali publicamente defende su mes riba e transaccion di 50 mil dollar esta 90 mil florin cu el a ricibi riba su cuenta di Banco Fundacion Campaña Mike Eman.

Dia 16 di September 2013 11 dia promer cu eleccion na 2013 ( 27 September) e transaccion aki a drenta riba cuenta di Mike Eman. Placa preto di Roberto Rincon kende a wordo sera na merca pa soborno di mil miyon dollar di PDVSA.

Placa sushi aki Mike Eman a sera campaña cu un lighting parade pagando 13 banda riba caya pa pueblo fiesta balia y vota pa AVP.

Mike Eman actuando manera e cancion di Shakira Ciega Sordomuda:

Desde luna di April  a acusa Mike Eman un cantidad di biaha riba e transferencia(nan) preto aki  despues cu a ricibi pruebanan palpabel. Mike Eman a escoge e modelo a la estilo e cantica di “Shakira” Ciega Sordomuda.

Te cu awe Mike Eman no a bin afor pa splica pueblo dicon el a ricibi placa di un persona cu a wordo condena pa soborno. Mientrastanto e keho official a wordo entrega final di mei na Ministerio Publico y awor ta enespera pa Ministerio Publico hasi su tarea pa investiga henter e proceso aki y e cuenta di Mike Eman pa asina por determina di kendenan mas Mike Eman a ricibi placa pa por a core campañanan luhoso na manera cu AVP a core campaña.

Banco local a meld na MOT:

Momento un ciudadano deposita un placa na banco  mesora Banco(nan) ta exigi e ciudadano yena formulario di MOT pa asina splica di unda e suma aki a bin.

Pa e motibo aki a bay un serie di pregunta oficial na (3) Ministers pa verifica cu instancianan concerni si e Banco encuestion a meld y cumpli cu documentonan “tijdig” y a meld esaki na MOT.

Alaves a puntra tambe si MOT na su turno a meld e transferencia aki “tijdig” na Ministerio Publico. Por ultimo  Ministerio Publico mester a meld esaki na Veiligheiddienst Aruba( VDA).

Si  e proceso aki a cana corecto Mike Eman nunca por a bira Promer Minister pa di dos biaha.    

- Advertisement -

DUNA COMENTARIO

Please enter your comment!
Please enter your name here