Home Comercio Menu di Set-top box nobo di Setar IPTV ta na Papiamento tambe

Menu di Set-top box nobo di Setar IPTV ta na Papiamento tambe

75
0
SHARE
- Advertisement -

ORANJESTAD (AAN): Diamars mainta e compania Setar NV a introduci un sistema cu lo bay wordo introduci na tur cas cu ta abonado di CableTV.

   Di awor en adelante, pueblo lo bay mira su canalnan via e sistema di Setar IPTV.  E palabra “IP” aki nifica Internet Protocol, pues un sistema completamente digital pa mira bo canalnan.

   Esey nifica cu tur Set-top box di Cable Digital na casnan lo bay cambia.  Un team special di Setar NV lo bay ta pasando di bario-pa-bario pa cambia nan.

   Na su lugar, tur hende lo bay haya 1 aparato di Access Point unda e waya di CableTV ta drenta bo cas, y tambe lo bo haya 2 aparato di Set-top box pa pone na bo TV.

   Setar a traha tambe riba un central grandi y priva di Cloud, cu lo bay sostene tur Set-top box di TV na Aruba.

   Diamars mainta durante e presentacion, Chris Cha y Andreina Kock di Setar NV, a duna un demostracion con facil e Set-top box nobo aki ta funciona, con facil bo por mira programa di 1 siman pasa di Family Fued of di The Price is Right, y con bo por hasta primi boton di Restart TV.

   Algo cu a hala hopi atencion di prensa, ta e hecho cu clientenan por check settings, y cada Set-top box nobo por wordo poni awor na idioma “Papiamento”.

   Esey nifica cu e menu cu hopi biaha ta sea na Ingles of na Spaño, awor por wordo cambia tambe na Papiamento of na Hulandes.

   Andreina Kock a mustra cu e setting bo por personalize na bo propio gusto, y esaki a bira e prome guide cu ta na Papiamento.  Esey ta hacie hopi mas facil pa hendenan cu tin dificultad cu Ingles.

   E ta un indicacion cu Setar NV di berdad a haci nan sistema di IPTV y tambe Wireless Mesh bira lo mas facil cu nunca pa clientenan.  Full e setup complica di antes lo no tey mas.  Clientenan cu no tin hopi habilidad tecnico, lo bay sinti cu awor tur cos lo traha mihor.

   Setar lo bay upgrade tur hende pa Setar IPTV sin ningun gasto adicional.  Cada cliente lo haya un pakete di 1 Access Point box, y 2 Set-top box pa pone na TV.

 

- Advertisement -

DUNA COMENTARIO

Please enter your comment!
Please enter your name here