Home General Manifestacion di mañan contra pedofilnan lo ta uno pacifico

Manifestacion di mañan contra pedofilnan lo ta uno pacifico

194
0
SHARE
- Advertisement -

Organisacion ‘Ta Basta’ kedando cla pa 3 di Juli

ORANJESTAD (AAN): Diaranson atardi e miembronan di e grupo End Child Abuse ‘Ta Basta’ a tene un conferencia di prensa pa asina duna mas informacion relaciona cu e manifestacion cu nan ta organisando pa diabierna awor 3 di juli.

E organisacion cu ta uno cu basta miembro a indica cu  nan no tabata tin plan inicial per o door di un imagen cu a wordo publica riba Facebook e situacion a cambia.

Nan intencion tabata pa bay blokia KIA ora cu un di e pedofilnan sali tempran for di prison. Tabata un plan pa nan hacie hunto.

Awor cu nan a bira un grupo grandi nan kier bay dilanti pa cambia e forma con e pedofilnan ta wordo trata na Aruba.

Nan a splica cu nan a papia cu Cuerpo di Polis, cu Corte y nan tin vergunning pa por tin e manifestacion di dia 3 di Juli.

A pone enfasis cu nan ta un grupo anti violencia y cu no ta pa instiga, ni pa haci destruccion. Esey no ta e plan ya cu esey no ta bay yuda nan logra nan meta.

Nan meta ta pa uni e hendenan y purba di bin cu un mente positivo diabierna awor.

E grupo ta teniendo reunion cu diferente organisacion manera Sociale Zaken, Reclassering y Slachtofferhulp. E problema cu nan ta wak ta para den e ‘aangifte procedure’ den tur e instancianan cu ta involucra cu esey.

Con nan ta bay cambia e situacion? Door di pone presion. E presion di e masa cu nan tin nan tras. Esey ta cambiando cosnan cu aworaki caba tin añanan wardando riba dje y awor tin e presion pa e gobernacion laga e cosnan cambia.

Durante e prome reunion nan a laga sa cu nan no ta un grupo politico y cu nan ta contra violencia. E organisacion ta pa trece e pueblo hunto y lucha pa e derecho di e muchanan.

Hopi cos ta pasando caba. Ta bay hisa e castigo maximo, ta bay bin un Procurador nobo na september, entre otro. Awor a forma un grupo grandi cu nan mesun identidad pa cuminsa arma e prome piesa di e domino.

E organisacion ta colectando firma den comunidad cu un ‘target’ di 10.000 firma. E firmanan lo wordo entrega na Parlamento diabierna y despues, dialuna, nan lo entrega un copia na Gobernador.

Diabierna awor e manifestacion lo cuminsa 3 pm dilanti di Corte unda ta bay tin discurso over di abuso di mucha, tambe e parti di mucha mes, trauma, famia y e rol di comunidad.

Ta bay tin testimonio di personanan cu a pasa nan experiencia den abuso, lo tin un clausura pa despues cana y bay dilanti di Parlamento.

Ta pidi tur esnan cu ta participa pa diabierna awor bay cu algun peluche cu lo ta un elemento simbolico di e muchanan cu a wordo abusa na Aruba y rond mundo.    

- Advertisement -

DUNA COMENTARIO

Please enter your comment!
Please enter your name here