Home Parlamento Loke Hulanda kier haci ta un acto contra derechonan humano

Loke Hulanda kier haci ta un acto contra derechonan humano

101
0
SHARE
- Advertisement -

Parlamentario Rocco Tjon:

ORANJESTAD (AAN): E proceder di Hulanda ta inacceptabel y por worde considera un acto contra derechonan humano!  Esey ta loke Rocco Tjon di Partido MEP  Un crisis mundial ta worde maluza pa cambia structura estatal di un pueblo liber.

   E entidad nobo y e supervision financiero lo worde opera y dirigi door di Hulanda. Pero esaki cu fondonan di e pueblo Arubano. Y esaki nos no lo acepta!

   Maneho Financiero:

   Tjon a mustra riba e maneho financiero di CAft y RMR di 2009 pa 2017. Segun Statuut, articulo 43, e ta e deber di Hulanda pa “waarborg” entre otro finanzas saludabel di e paisnan Caribense di Reino.

   Bou nan propio supervision nan a permiti Mike Eman pa masacra nos finanzas publico y asina perhudica e futuro di nos pueblo. Pues Hulanda, Gobierno di Reino y e Colegio di Supervision ta co-responsabel pa e situacion cu nos ta aden aworaki. Pasobra realidad ta cu te cu 2009 Gabinete Nelson Orlando Oduber a laga un debe nacional atras di 43%.

   Politica di Knops y Hulanda:

   E yudansa cu Hulanda ta duna aworaki no ta costa Hulanda niun Florin. E pueblo Arubiano lo paga esaki back. Den prensa na Hulanda, Knops a haya hopi critica pa e condicionnan cu nan ta impone riba e islanan Caribense.

   Mas aun mirando cu nan ta yuda diferente pais pafor di Reino, cu hopi placa sin impone ningun tipo di condicion. Y aworaki Knops kier manipula den medionan di comunicacion pa haci como si fuera cu nan no a impone condicionnan riba e pueblonan Caribense.

   Di un deficit pa un surplus den apenas dos aña. Na 2014 pais Aruba tabata conoce un deficit di 444 miyon Florin. Esaki ta e mes momento cu liderazgo di Mike Eman a conduci cu Aruba a haya un Koninklijk Besluit (KB) pa mal gobernacion.

   Na 2017 pais Aruba tabata conoce ainda un deficit di 130 miyon Florin, herencia di AVP. Liderazgo di señoramr. Evelyn Wever-Croes y señoramr. Xiomara Maduro ta transforma e deficitnan astronomico aki den un surplus despues di solamente 2 aña di gobernacion.

   E palabra “consensus” ta nifica cu tur dos partido mester bay di acuerdo cu locual ta worde propone. Hamas por worde considera cu por papia di “consensus” pa loke ta trata e dos “rijkswetnan” aki.

   Hulanda, bou menaza di no duna Aruba fianza kier pa aworaki bay di acuerdo cu cambionan estatal pa un yudansa cual segun nos Statuut Hulanda ta obliga di duna.

   Locual ta mas condenabel ainda ta cu Hulanda ta menaza pa laga nos pueblo muri hamber pa asina por logra dos cambio den nos structura estatal. Y esaki ta bay contra e derecho di autodeterminacion di un pueblo liber.

- Advertisement -

DUNA COMENTARIO

Please enter your comment!
Please enter your name here