Home Politica Lidernan di partido politico a laga politica y diferencia di opinion un...

Lidernan di partido politico a laga politica y diferencia di opinion un banda

341
0
SHARE
- Advertisement -

Durante un cumbre di lidernan di partidonan politico

Condicionnan di Hulanda ta inaceptable

ORANJESTAD (AAN):    Durante un cumbre di lidernan di partido politico, e lidernan a laga politica y diferencia di opinion un banda pa uni den posicion relaciona cu embargadura di e cambionan cu Hulanda kier impone.

   Prome Minister Evelyn Wever-Croes a splica den un manera hopi amplio na e lidernan presente den e reunion, AVP, MEP, RED, POR, UPP y Raiz  riba e condicionnan cu Hulanda a pone pa Aruba por haya e siguiente tranche.

   Nan tambe a haya un presentacion di Departamento di Finansa y Departamento di Asuntonan Huridico relaciona cu situacion economico actual.

    Manera ta conoci, e siman aki Hulanda a presenta un documento di 218 pagina y 18 condicion. Aruba ta den un situacion hopi dificil y mester di cooperacion y ayudo financiero di Hulanda pa por cumpli cu esnan cu no tin trabao, y asina por paga FASE, subsidio di salario, SVb y AZV.

   E condicionnan no ta solamente riba e aspecto financiero, di supervision, pero tambe condicionnan cu Hulanda kier mira den enseñansa, finansas y husticia.

   E lidernan di partidonan a indica cu e condicionnan di Hulanda ta inaceptable y nan ta para tras di Prome Minister.  

- Advertisement -

DUNA COMENTARIO

Please enter your comment!
Please enter your name here