Home Parlamento Ley di competencia husto a keda aproba unanimamente den Parlamento

Ley di competencia husto a keda aproba unanimamente den Parlamento

204
0
SHARE
- Advertisement -

Ley a wordo presenta na Staten na 2013

ORANJESTAD (AAN):   Parlamentario di Fraccion di AVP, Richard Arends a duna di conoce cu diaranson mainta den Parlamento a keda aproba unanimamente e ley di competencia husto (Mededingingsverordening).

Esaki ta un ley cu a wordo presenta na Parlamento for di aña 2013 y cada biaha a keda mehora e producto aki cu hopi investigacion y notanan di maneho bao di dje, Arends a indica.

Cu esaki ta bay haya na Aruba basicamente, a bisa, un abogado pa e consumidor. Un autoridad cu lo por percura pa proteha e economia y e mercado local di cualkier acuerdonan di prijs of cartelnan internacional cu por tin un influencia riba economia, e parlamentario a expresa.

Ta bay garantisa e posicion di e consumidor den e economia y pesey e logro aki ta un paso hopi grandi ora cu ta papia di reapertura di e economia, di actividadnan economico nobo. Ta momento pa tin e cosnan bon regla y esaki ta algo cu seguramente tabata haci falta, a remarca.

Richard Arends a sigui bisa cu fraccion di AVP sigur a sostene e ley aki. Aworaki ta espera cu gobierno por aloca e fondonan necesario pa por cuminsa cu e fase inicial di esaki mirando e importancia di e ley aki. 

- Advertisement -

DUNA COMENTARIO

Please enter your comment!
Please enter your name here