Home Policial Ladron a bay cu placa di compania cu comerciante a laga atras...

Ladron a bay cu placa di compania cu comerciante a laga atras den auto

495
0
SHARE
- Advertisement -

ORANJESTAD (AAN): Kiebro y ladronicia for di den auto keto bay ta continua na Aruba!  Ta parce cu e malhechornan ta vigila su victima, otro bo no por pensa. Pero doño auto mester ta cauteloso loke e ta laga atras, como cu den un fraccion e ta bira victima inespera.

   Tabata Diamars mainta net prome cu 8:40 am, cu un unidad di Polis di Playa a ser manda na Pavia Country Club pa check caso di kiebro den auto.

   Polisnan cu a presenta na e adres, a wordo acerca pa e comerciante di inicial J., kende a a declara cu anochi el a cera su compania, y a bay cu e placa di caha y a pone esaki den un envelop sera hunto cu algun invoice mas.  El a pone e envelop aki cera, y banda di dje e tabatin su Smartphone Samsung color preto, den e espacio mey-mey di e dos bucket seats dilanti den auto.

   E comerciante J. a sigui declara, cu el a yega cas anochi entre 8:00 pm y 8:30 pm, y el a cera e porta di su cura na lock, como tambe e portanan di su auto.

   Pero Diamars mainta ora cu e tabata prepara pa bay traha, el a cay sinta den auto, el a ripara cu tin un petchi di baseball cu “NY” imprimi riba dje poni na e stul di pasahero.  El a haya esaki raro, y a djis gare y benta e petchi patras.

   Ta e ora ey el a corda cu e tabatin envelop den auto!  Esey a pone core busca den su auto, y na final el a bin haya e envelop, cu a wordo kibra y habri y tin nada mas di placa den dje.

   Nan a bay cu e placa, pero e smartphone Samsung a ser laga atras.

   E auto tabata intacto, pues ta tiki raro con nan lo a drenta horta eyden.

   E comerciante J. a bisa cu lamentablemente na cas e no tin security camera.  Polis a notifica Central di loke a pasa, y nan a tuma e keho di ladronicia.

- Advertisement -

DUNA COMENTARIO

Please enter your comment!
Please enter your name here