Home Policial Kustwacht a intercepta boto cerca di Corsow cu contrabando procedente di Venezuela

Kustwacht a intercepta boto cerca di Corsow cu contrabando procedente di Venezuela

355
0
SHARE
- Advertisement -

A detene cuater sospechoso

ORANJESTAD (AAN): Metal Shark di Kustwacht a intercepta un boto cu contrabando riba e madruga di diaranson cerca di Corsow.

E radar di e Centro de Coordinacion di Rescate (RCC) di Kustwacht a observa un boto cu a yega cerca di un otro boto cu tabata biniendo for di Corsow.

Despues cu nan a topa, un di e botonan a bay bek cu velocidad halto cu direccion di Venezuela, mientras cu e otro boto a haci intento di yega Corsow bek sin wordo nota.

RCC a manda e Metal Shark di Kustwacht na e sitio unda e radar a nota e movecion.

E tripulacion di Metal Shark a topa un boto local chikito cu cuater persona (2 di Corsow, 1 di Colombia, 1 di Venezuela) y 11 paki abordo.

Den e pakinan a haya substancianan ilegal y arma di candela.

E cuater sospechoso y e contenido di e bultonan a wordo transferi na KPC, mientras cu e   sospechosonan a wordo poni den  cuarentena den e SDKK.

- Advertisement -

DUNA COMENTARIO

Please enter your comment!
Please enter your name here