Home Bites Kowloon Restaurant a celebra 45 aniversario di exitencia

Kowloon Restaurant a celebra 45 aniversario di exitencia

83
0
SHARE
- Advertisement -

ORANJESTAD (AAN) – Riba diamars 28 di juli 2020 ta net 45 aña cu Kowloon a habri su portanan na Playa. Cu e logro aki mesora, Kowloon ta bira e restaurant mas bieu na Aruba. Un logro sigur danki na e clientenan cu generacion tras di generacion a sa di sostene e restaurant. Y tambe pa e empleadonan cu a bira un famia extendi di famia Arends.

  E fundador, Ernesto “Netto” Arends (dfm), a recorda e comienso di Kowloon Restaurant durante un entrevista na juli di 2015. “E berdad ta cu mi idea inicial tabata pa cuminsa un Deli Shop, pero na caminda a cambia di idea”, Netto a cuminsa conta e tempo ey.

   Asina el a corda inicio di su plannan pa bay den negoshi di restaurant, mientras cu e mes tabata trahando na DOW e tempo ey. E kier a purba algo otro y e mesun negoshi ey (Kowloon) a celebra 40 aña na 2015, cu a gosa di bon temponan y a sa di sobrepasa tur mal tempo tambe. “Nos ta Arubiano, unda nos ta bay? Ta aki nos ta keda lucha, cu si cos ta bon of menos bon” Arends a bisa e tempo ey.

  Hopi aña di sacrificio y dedicacion a percura pa no solamente Kowloon bira e restaurant mas keri na Aruba sino e miho restaurant Cantones di e isla, maneha pa un Arubiano. “Mi ta orguyoso di ta e unico Arubiano cu a sa di hiba un restaurant pa 40 aña, sigui pa Sra. Alicia Botta di El Gaucho pa 38 aña”Arends a bisa e tempo ey. “

    Es mas, nos ta considera cu nos ta un empresa cu 30 empleado cu ta papia nos idioma papiamento, cu tambe ta sirbi como un aporte pa comunidad”, Arends a sigui bisa na 2015. Arends mes a fayece na Februari 2018, lagando su yiu muhernan encarga cu e restaurant.

  Kowloon Restaurant durante e 45 añanan di existencia, no a para keto.” Nos a sigui cu tempo y a innova y modernisa nos restaurant continuamente.

  Nan 45 añanan ta danki na e fiel clientenan y e team dinamico. Tur e ingredientenan aki hunto a haci Kowloon Restaurant e restaurant Cantones di tur famia Arubano, caminda e custumber di bishita nos restaurant ta sigui di generacion pa generacion”.

  Por ta e exito mas grandi sigur ta e hecho cu mayoria cliente di comienso di e restaurant awe ainda ta bishita e restaurant cu nan famia. Un logro cu ta haci cu Kowloon, 45 aña despues di su apertura, ta sigui mas.

- Advertisement -

DUNA COMENTARIO

Please enter your comment!
Please enter your name here