Home Labor Imposicion di “no work no pay” ta ilegal y por hiba dunador...

Imposicion di “no work no pay” ta ilegal y por hiba dunador di trabao na Corte

1511
0
SHARE
- Advertisement -

El a wordo mal interpreta na momento di ‘lockdown’:

ORANJESTAD (AAN) — Tocante e hecho cu tin trahador cu a wordo impone pa bay cas bao “no work no pay” durante e comienzo di e crisis di Coronavirus, sin cu tin un acuerdo mutuo, mester sa cu esaki ta ilegal.

Y pa colmo, dentro di e periodo di “no work no pay” retironan di trabao impone tambe a tuma lugar. Mediador Anselmo Pontilius enfatiza cu esey no por, e no ta legal! Y e ta pidi tur trahador cu ta den e caso aki pa bay CORTE.

“Keto bay, di acuerdo cu nos leynan, nos ley di retiro ta bisa lo siguiente: -Un dunador di trabao pa e haya permiso pa kita un trahador, e ta bay Departamento di Labor, pidi un permiso of e ta bay Huez pa pidi pa terminacion di e relacion di trabao, y den tur dos caso e trahador ta haya e derecho di defende su punto, despues cu e dunador di trabao-“. Asina Mediador a bisa.

“ Si un dunador di trabao kier yega na un acuerdo pa termina relacion di trabao, e tin cu yega na un acuerdo husto cu e trahador, pasobra e tin cu dune un oferta, y e trahador tin derecho di duna su contra oferta y di consulta cu Departamento di Labor of cualkier instancia legal cu por yude pa traha su contra oferta. Pero no ta legal pa kita un trahador durante ‘no work no pay’. Nos a bisa caba na comienzo di e crisis, cu apesar cu nos tin un crisis dramatico, esey no kiermen cu nos leynan di labor ya no ta aplicable. No ta berdad! Tur ley ta existente. Pues, ta hopi importante pa tene cuenta cu esey”.

Den mesun rosea a puntra sr. Pontilius con ta posible cu a habri asina facil e porta pa e dunador di trabao  impone  “no work no pay”, locual Mediador a coregi.

“Laga mi coregi esey. El a wordo mal interpreta na momento cu na fin di maart a pone lockdown. E dunador di trabao cu prome cu a anuncia FASE of subsidio di salario a dicidi pa no paga salario na fin di Maart of na comienzo di April, y a impone no ‘work no pay’ na su trahadornan, e trahadornan ey por bay Corte. Y nos ta pidi tur trahador cu a keda sin haya pago pa ainda manda reclama e dunador di trabao. Y e por bay Corte pasobra e por a keda sin paga e trahador solamente si tin un acuerdo mutuo. Hopi biaha no tabata tin acuerdo mutuo y e dunador di trabao a hisa benta, impone. No por!”

Mediador sr. Pontilius a expresa cu e pandemia, e crisis, no a duna e dunador di trabao e derecho pa dicidi pa no paga salario. “Na momento cu gobierno a bisa cu e ta cera tur lugar: casino, restaurant, hotel, ta pa proteha nos comunidad. Si e dunador di trabao bisa cu e tin cero entrada, e ta berdad pa hopi di nan pero esey no a dune e derecho di paga cero salario, pasobra e trahador ta na su servicio y e no a bay traha no pasobra e no kier traha, y ta hopi importante pa tene cuenta cu esey”.

El a indica cu tin un sentencia cu a cay na Hulanda relaciona cu un caso di “no work no pay” e dunador di trabao a perde su caso, pasobra Huez a bisa cu e mester a sinta cu su trahadornan pa yega na un acuerdo.

 

- Advertisement -

DUNA COMENTARIO

Please enter your comment!
Please enter your name here