Home General Hulanda no por humilia Aruba pa fayo di otro pais

Hulanda no por humilia Aruba pa fayo di otro pais

238
0
SHARE
- Advertisement -

Gabinete Wever Croes a demostra cu e ta introduci cambio

*Knops y Rutte ta admiti cu Aruba ta soluciona su problema

*Sin arma dictatorial di entidad gubernamental Aruba a actua

ORANJESTAD (AAN): Tin algo completamente robes den e forma cu Hulanda ta atende cu Aruba.

Cu Hulanda tin na 2017 tabata tin un motibo pa actua, Hulanda mes ta confirma.

Pa por pasa un ley dictatorial riba Aruba sin ningun motibo hancra den Statuut, Hulanda ta basa su mes riba e pasado di Aruba y e debe nacional entre otro cu a wordo crea.

Ta increibel cu mientras gobernantenan Hulandes ta pusha Aruba lomba contra muraya pa kibra e sistema constitucional cu Aruba ta wordo goberna, gobernantenan Hulandes mes ta admiti cu prome cu e coronavirus a introduci su mes ya e gobierno di Wever-Croes tabata actua a base di compromisonan cu e tabata tin cu Hulanda.

Cu Hulanda kier cambia CAFT, ainda por wordo discuti pero mester yega na un areglo. Hulanda hamas por bin hinca Aruba den un camisa di hero pasobra cu un entidad dictatorial, ya cu Aruba a actua di acuerdo cu loke Reino ta exigi y a introduci cambio pa yega na un bon gobernacion.

Awe Prome Ministro Wever-Croes mester enfrenta Hulanda cu ta bisa cu mester impone cambio mientras Prome Ministro Wever-Croes mester a enfrenta pueblo di Aruba cu medidanan pisa cu el a tuma riba tereno financiero.

E actual gobierno mester a confronta gremionan cu medidanan cu e mester a introduci pa enfrenta e caos cu Hulanda mes a bisa cu e actual gobierno a hereda.

Awor ta sano cu Gobierno Hulandes kier deshaci di base gubernamental di Statuut di Aruba pasobra otro islanan a faya?

Hulanda ta duna Aruba un luga unico. E luga unico aki mester inclui, cu ta scrap e menasa di un gobernacion forsa di Hulanda cu ta nifica un medida general di Reino cu Statuut ta permiti ora e gobierno na mando no ta comporta su mes segun bon gobernacion y ta nenga di tuma medidanan cu mester tuma.

Na e momentonan aki Hulanda no ta aplica husticia na Aruba.

DIARIO a tuma nota di tur desaroyo y ta puntra su mes, kico mester spera e siman aki.

Parlamento di Aruba por bay di acuerdo cu ta deshaci di nan tareanan y pa nan wordo silencia pasobra manera Hulanda ta bisa Curaçao y Sint Maarten no a cumpli cu loke CAFT a exigi?

E siman aki Aruba mester reuni den un cumbre.  Aruba mester resisti e exigencia Hulandes pa un entidad nobo di gobernacion cu ta kita for di Aruba su derecho democratico pa dicidi pa su mes a base di bon gobernacion.

Ta trata aki di un asunto fundamental den cual participacion di pueblo den e proceso democratico ta wordo gescrap pasobra otro paisnan cu no ta Aruba, no a cumpli cu Hulanda.

Despues di a tuma nota di e documentonan, DIARIO ta rechasa loke a pasa y ta resumi cu awor mas cu nunca, Aruba mester uni pa por sigui cana riba e caminda democratico den futuro.

 

 

- Advertisement -

DUNA COMENTARIO

Please enter your comment!
Please enter your name here