Home Gobierno Hulanda kier pa tur Specialista Medico na Aruba cay bao di servicio...

Hulanda kier pa tur Specialista Medico na Aruba cay bao di servicio salarial di Hospital

885
0
SHARE
- Advertisement -

ORANJESTAD (AAN): E ideanan di control Gobierno Hulandes pa cu e islanan di Aruba, Curacao, y St. Maarten a wordo poni den forma di proposicion pa kizas tene cuenta cune.

   Den Parafo F, ta elabora riba “Cuido di Salud” y aki na opinion di Hulanda lo tin di bin cu algun medida pa asina mantene e capacidad di Intensive Care na nivel, y tambe cu enfoque pa fortifica Contact-Tracing, y isolacion den cuadro di Covid-19, pa esaki wordo fortifica.  Tambe pa tin suficiente material di proteccion pa trahadornan durante Covid-19.  Tambe wanta e capacidad di testing na cierto nivel.

   Hulanda ta pone cu ora cu un vacuna yega pa Covid-19, pa asina e isla tambe por yega na remarca pa cumpra nan, y percura pa tin un programa di vacunacion rapido y efectivo.

   Riba tema di cuido, ta pidi pa e paisnan den Caribe traha mas hunto pa reduci e cantidad di pashent cu ta keda manda pa exterior, pa haya cuido kizas na Aruba, Curacao, y Bonaire.  Pues tin di bin cu palabracionnan entre e islanan pa sa cua tin specializacion specifico, pa asina no tin cuidonan cu ta double, y mas bien traha hunto.

   Hulanda ta pidi tambe pa e islanan Hulandes den Caribe bay cumpra remedi, material, y aparato hunto.  Prome Ministro Evelyn Wever-Croes a bisa cu esaki ta algo cu tabatin ya caba bon experiencia cune durante e crisis di Coronavirus nobo.  Pasobra ora cu dado momento tur frontera a cera, ta un vuelo semanal di KLM so a keda bula pa trece carga y remedi for di Hulanda.

   Hulanda kier pa educacion di personal di cuido socede den region aki mes.  Hulanda a pidi pa reduci e cantidad di Laboratorio.

   Algo cu sigur a hala atencion, ta cu e proposicion di Rijksministerraad di Hulanda, ta indica cu envez cu ta AZV ta paga salario di Specialistanan Medico, pa laga nan bay cay bao di otro instancia.

   Prome Ministro Wever-Croes a lesa Dialuna mainta for di e peticionnan di Hulanda, ta pa bay check pa pone tur Specialistanan Medico na Aruba, mester bay den Servicio Salarial di Dr. Horacio Oduber Hospital.

   Esey nifica cu pues ta Hospital lo bay bira Hefe di e Specialistanan Medico.

   Tambe e documento di Hulanda, ta elabora cu tin di check con pa baha tarifanan di cuido medico.

   Hulanda ta elabora tambe riba Aseguro Medico General, pa check kico e ta cubri of no, y tambe ta sugeri pa bin cu “Eigen Bijdrage” pa cada pashent. 

   Pero segun Prome Ministro Wever-Croes, esaki ta algo cu ta necesario, pero mester mire si den e contexto di Aruba, specialmente awor den e crisis di Covid-19, e ta algo hopi duro pa algun grupo di hende por haya nan ta paga esaki tambe.

- Advertisement -

DUNA COMENTARIO

Please enter your comment!
Please enter your name here