Home Gobierno Hulanda, actor determinante den henter e plan financiero di Aruba pa e...

Hulanda, actor determinante den henter e plan financiero di Aruba pa e aña aki

364
0
SHARE
- Advertisement -

Derrick Werleman, director di Departamento di Finansas

*Aruba no lo tin placa pa cumpli obligacionnan financiero si no logra financiamento

ORANJESTAD (AAN):  Kico ta bay pasa si Aruba no ta yega na financiamento pa cubri e deficit? Esey ta un e preguntanan cu ta preocupa gobierno y comunidad na e momentonan aki.

Director di Departamento di Finansas, Derrick Werleman, a splica e situacion den un forma basta amplio unda el a laga sa cu na e momentonan aki, si Aruba no haya e placa di Hulanda, lo tin mester di 682.4 miyon pa por sali di e deficit cu den total ta di 1.4 biyon florin na 2020.

El a duna di conoce cu e saldo di likides di gobierno actualmente, si no haya financiamento, ta rond di 60 miyon florin den cora y cu por recupera un tiki den Augustus y despues ta cuminsa wak cu banda di September ta cuminsa yega na 200 pa 300 miyon. Pa mas o menos 511 miyon florin den cora.

Esaki ta nifica cu basicamente gobierno di Aruba ta yega cierto momento cu no por bay cumpli cu tur e obligacionnan financiero cu e tin pasobra simplemente no tin placa den caha pa haci esaki. E palabra lo ta ‘default’, incumplimento cu debenan cu tin caba premira y acorda cu tin cu paga nan bek, a bisa.

Ki opcionnan tin?

– Tin e opcion di Hulanda, cu ta acepta incorporacion den RFT.

– Tin e mercado local, pero esaki no tin e capacidad di saca 400 miyon florin. Por saca 100, pero ainda ta bay tin un buraco substancial y no ta bay libra Aruba di incumplimento.

– Tin e mercado internacional, cu ta via Hulanda y cu ta hiba tur cos bek na prome punto.

Hopi hende ta bisa pa Aruba acerca International Monetary Fund (IMF). Te hasta ta tende di un supuesto proposicion di IMF cu gobierno lo a rechas’e. Esey no a pasa, Werleman a enfatisa.

IMF tambe ta bay via Hulanda. Gobierno di Aruba no ta miembro directo di IMF. Ta miembro asocia bao capa di Hulanda. Si mester algo di IMF, via Hulanda tin di pidi’e.

Tur e opcionnan aki ta hiba Aruba bek na Hulanda. Hulanda ta e actor cu ta determinante den henter e plan financiero di Aruba pa e aña aki, Derrick Werleman a remarca durante e presentacion cu el a haci diaranson mainta na e gremionan y sindicatonan.    

- Advertisement -

DUNA COMENTARIO

Please enter your comment!
Please enter your name here