Home Gobierno Hulanda a manda pa Gobierno documento di 218 pagina y 18 condicion

Hulanda a manda pa Gobierno documento di 218 pagina y 18 condicion

519
0
SHARE
- Advertisement -

Prome Minister Evelyn Wever-Croes

*Gobierno mester bay traha entre otro riba e ‘Wever-Croes Norm’

ORANJESTAD (AAN):   Dialuna mainta, Prome Minister Evelyn Wever-Croes a duna di conoce den conferencia di prensa di Gobierno cu dialuna mainta el a haya e documentacion cu desde siman pasa mester a haya for di Secretario di Estado Knops.

Ta trata di un documento di 218 pagina y aworaki e expertonan di Directie Wetgeving, Juridische Zaken y  Directie Financien ta studiando e documentacion aki pa asina por duna Gobierno un mihor bista di loke ta wordo poni y kico ta wordo exigi.

No ta un condicion a bin acerca, pero 18 condicion, e mandatario a indica y esaki ta trece un complicacion  den e forma con Aruba tin cu presenta esaki.

Ta condicionnan no solamente riba e aspecto financiero, di supervision, pero tambe condicionnan cu Hulanda kier mira den enseñansa, finansas y husticia.

E mandatario a splica cu esaki ta cosnan cu gobierno ta trahando riba dje y riba cual no por duna mucho detaye pa awor.

Locual si e Minister Presidente a bisa ta cu e carta ta confirma cu Aruba ta cumpli cu e condicionnan cu a wordo poni te aworaki cu excepcion di un punto y esey ta e ‘Wever-Croes Norm’.

Cft y Rijksministerraad lo kier mira cu tin un ley ta pasa parlamento pa cual directornan di companianan ta wordo poni bao presion pa baha nan salario na 130%. Gobierno a cuminsa di un otro forma.

A cuminsa cu traha e ley, aplik’e riba tur vakature y posicion nobo di director cu ta wordo nombra y despues ey ta sinta negocia cu e directornan cu ta eynan caba pa nan duna di nan parti tambe pa baha nan salario te na 130% di salario di un minister, a bisa.

No ta tur ta gana esey, tin ta gana menos y esey ta algo cu lo tin cu bay sinta combersa y negocia cu nan pa yega na cambionan den nan contrato laboral.

Hulanda ta duna Aruba un tempo mas te 1 di September pa tin un plan mas elabora riba esey y aproba pa Parlamento. Cu e ley mester wordo aproba pa Parlamento, e gobernante no sa precis si esey ta e exigencia.

Evelyn Wever-Croes a reitera cu Aruba ta cumpli cu tur condicion te cu e di dos tranche y pesey Aruba por bin na remarke pa e fiansa di 204 miyon florin pa Juli, Augustus y September, con tal cu ta cumpli cu tur e exigencianan di e di tres tranche.

CFt a comenta cu despues di September mester bay wak si e subsidio di salario lo keda mescos pasobra cu ta bira tempo pa Aruba cuminsa desaroya e economia, e mandatario a indica.

ENTIDAD

Gobierno tambe a haya e documentacion. Un rijkswet completo cu Hulanda a prepara y cu a manda dialuna den concepto.

Locual por saca afo ta cu ta un entidad atravez di cual ta bay presta placa na e gobiernonan di Aruba, Corsow y Sint Maarten. Esaki kiermen cu Aruba no ta bay presta mas placa di Nederland sino di e entidad aki cu lo haya un forma di ‘bestuursorgaan’.

E entidad aki lo ta esun cu Aruba lo tin cu bay bati na porta si mester di asistencia tecnico manera huristanan pa yuda traha ley.

E entidad aki tambe lo ta encarga cu inversionnan pa medio di un tipo di banco di inversion cu lo por yuda e paisnan desaroya nan economia, Wever-Croes a laga sa.

RFT

Pa loke ta e Rijkswet Financieel Toezicht, esey ta un condicion cu aworaki ta poni riba papel tambe.

Gobierno di Hulanda kier pa prome cu diabierna awor Aruba bisa cu ta bay di acuerdo cu tur e condicionnan .

E mandatario a lamenta cu Hulanda no a pone algo riba papel cu por comparti cu comunidad di Aruba. Locual cu ta bay Rijksministerraad ta secreto y ningun hende por comparti esaki.

CONSECUENCIANAN PA ARUBA

Pa por bisa esaki mester di un analisis profundo, segun e mandatario. El a bisa cu e forma di procede di Hulanda no ta na su lugar. Mester bay studia awor e 16 condicionnan nobo pa compronde nan bon y pa e ora por comunica na nan.

CONSULTA

E siman aki gobierno lo bay den consulta cu gremionan sindical y empresarial, diarason mainta. Pa e encuentro aki lo haci e maximo posibel pa tur hende por sigui e encuentronan aki via di Facebook of otro formanan.

Tambe lo tin un cumbre politico cu e lidernan di e partidonan politico na Bestuurskantoor riba e mesun tema aki.

Diahuebs lo ta den Parlamento pa duna e mesun splicacion. 

- Advertisement -

DUNA COMENTARIO

Please enter your comment!
Please enter your name here