Home Hudicial Hues no ta haya sospechoso complice di ladronicia for di un hotel

Hues no ta haya sospechoso complice di ladronicia for di un hotel

54
0
SHARE
- Advertisement -

Contrario na opinion di Fiscal

ORANJESTAD (AAN): Aunke cu Fiscal ta haya cu e homber E.R. complice di a horta un televisor for di Riu Palace, Hues no ta haya esaki proba. Hues a baha e castigo cu Fiscal a exigi.

   LADRONICIA FOR DI HOTEL:

   Ta asina cu e sospechoso E.R., kende no ta encarcela, no a presenta den Corte. Su abogado mr. Kip so a presenta. Fiscal a bisa cu E.R. ta worde acusa cu riba 18 April 2020 e tabata complice di horta un televisor na Riu Palace Aruba.

   Fiscal a mustra cu riba camera di seguridad ta mira un persona K. hunto cu E.R. na e hotel ta horta. Segun E.R., e no a participa y a cana bay. Fiscal a menciona cu na 2014, E.R. a haya condena di 7 luna di prison pa ladronicia.

   Fiscal ta haya cu E.R. ta culpable di complice di e ladronicia. El a exigi 8 dia di prison, cual E.R. a sinta caba. Tambe Fiscal a exigi 60 ora di trabao pa comunidad of 30 dia sera.

   Abogado mr. Kip a bisa Hues cu E.R. a admiti di a yuda carga e television contra su voluntad. E no tabata eynan pa bay horta. El a pidi Hues pa tene cuenta cu desde Covid-19, E.R. no ta trahando. E tabata traha riba beach. E abogado ta haya e castigo exigi pa Fiscal un poco halto.

    COMPLICE OF YUDA HORTA?

   Hues a puntra Fiscal riba e hecho cu E.R. no a yuda horta sino a yuda carga. Na opinion di Hues e ora ey E.R. no ta complice. Fiscal a splica cu E.R. a keda vigila mientras cu e otro tabata horta. E tabata yuda y esey ta haci’e complice. Abogado a bisa cu E.R. a bay landra y ta e otro a bula muraya di e hotel y bay horta.

    SENTENCIA:

    Hues a sera tratamento di e caso y a dicta sentencia di biaha. Hues a bisa cu e no ta haya proba cu E.R. a horta sino ta complice di a yuda carga e television.

Na opinion di Hues, riba e imagennan di camera di seguridad ta mira bon cla cu E.R. a yuda K. vigila y carga e television.

   Hues a bisa cu E.R. tabata 7 dia sera y no 8. El a tene cuenta cu E.R. tabata condena pa ladronicia den pasado. Hues a condena E.R. na 7 dia di prison cual ta loke e tabata sera caba.

 

- Advertisement -

DUNA COMENTARIO

Please enter your comment!
Please enter your name here