Home General Hubentud, mundialmente, poco conciente di Covid-19

Hubentud, mundialmente, poco conciente di Covid-19

17
0
SHARE
- Advertisement -

ORANJESTAD (AAN)—Siguiendo noticianan internacional, specialmente na Latinoamerica, un segmento grandi di e hubentud no ta conciente di e situacion real di Covid-19.

Recientemente, por a mira un relato publica den facebook cu potretnan unda den un pais Latino, nan a habri un discoteca bao e nomber “Antro Coronavirus”. Un grupo grandi di hoben a haci fiesta eyden, a balia, goza y bebe na grandi sin ningun distanciamento fisico (por a balia den pareha pero na distancia entre un y otro pareha) y claro, manera ta di spera sin bisti mondkapje.

Apesar cu hopi hende a reacciona na e relato, ta parce cu hopi hoben a wordo lanta den un sistema di indiferencia total, cu no ta worry ni cu nan mes famia.

Y e ta sosode na Merca tambe. Hopi grupo di hoben por mira ora nan ta pasa imagen di e asistencia na e beachnan. Na Mexico ni papia mes. Hasta conciertonan di banda ta tumando lugar caba, y den e publico e gran mayoria ta hobennan.

Ohala na Aruba lo no surgi e situacion aki ora cu Aruba habri su fronteranan y cu e areanan di diversion tambe forma parti di e apertura aki. Ohala nos hubentud ta mas conciente, nan ta parti esencial di nos pueblo, di e futuro di nos pais, y ta aworaki, awe, cu mester mustra nan responsabilidad, obediencia na e normanan di prevencion y specialmente nan amor pa nan pais, y pa nan grandinan cu ta e grupo di mas vulnerable.

Noticianan internacional ta mustra cu hopi hoben ta birando e foco di contagio den e seno familiar. Hopi tristo! Pero no esey so, ya caba tin personanan hopi hoben cu a muri door di e malesa aki, cu ta parce ta ataca e curazon den e pacientnan di menos edad.

Desobediencia y iresponsabilidad ta hiba un pais na mas contagio. Un rato di gozamento den un fiesta di hoben of adolescente, por trece consecuencianan hopi impactante pa famia y comunidad en general.

- Advertisement -

DUNA COMENTARIO

Please enter your comment!
Please enter your name here