Home Hudicial Homber declara liber pa paga boet di 1000 florin pa viola “toque...

Homber declara liber pa paga boet di 1000 florin pa viola “toque de queda”

199
0
SHARE
- Advertisement -

El a reclama cu el a wordo deteni den cura di un cas

ORANJESTAD (AAN) – Ayera mainta a cuminsa cu e casonan penal contra esnan cu no a paga e boet di 1000 florin pa a viola e ley di “toque de queda”. E homber F.R. a reclama den Corte cu e tabata sinta dilanti porta di cas di su amigo y a wordo deteni pa Polis.

Fiscal a exigi 40 ora di trabou pa comunidad pasobra F.R. no tin trabou pa paga e boet di 1000 florin. Hues ta haya cu mester declara F.R. liber pasobra e tabata riba tereno di vivienda.

HOMBER DETENI RIBA TERENO DI CAS

Fiscal a acusa F.R. cu riba 23 Maart 2020, e tabata pafor di cas despues di 9’or di anochi, siendo cu tin “toque de queda”. Ta asina cu Polis a detene F.R. 10.15 di anochi pafor di cas.

   F.R. a splica Hues cu tabata sinta pafor dilanti porta di e cas na Pitastraat riba stoel den cura di cas di un amigo. Un auto a pasa y esnan den e auto a papia. El a lanta bay na e auto y a resulta cu den e auto tin Polis cu a baha cu arma. El a bisa nan cu e no a haci nada malo y cu e ta riba tereno di cas. Nan a detene y dun’e boet. El a bisa Hues cu esaki ta haya inhusto. Hues a puntr’e si e por paga e boet di 1000 florin. F.R. a bisa cu e no tin trabou y ta lora riba job cu e haya. Hues a puntra si F.R. lo ta dispuesto pa traha pa comunidad. El a bisa cu e ta dispuesto.

HOMBER DECLARA LIBER

   Fiscal a reacciona cu segun e “toque de queda”, bo mester ta den bo cas. E ta haya proba cu F.R. ta pafor di cas. Fiscal a sigui bisa cu e ta compronde F.R. no tin trabao. El a exigi 40 ora di trabao pa comunidad of 20 dia sera.

   Hues a tuma decision di biaha. Hues a mustra cu segun raport di Polis, F.R. tabata den cura di cas y no riba caminda publico. Hues a bisa cu segun e ley, bo no por ta pafor di vivienda. Hues no ta comparti opinion di Fiscal. Hues a mustra cu cada vez tabata stipula regla pa cu vivienda y esey ta crea confusion. Segun ley por castiga ora tin claridad kico ta e delito. No tin claridad riba vivienda. Hues a declara F.R. liber pasobra e no tabata riba caminda publico sino riba tereno di un cas.

 

- Advertisement -

DUNA COMENTARIO

Please enter your comment!
Please enter your name here