Home CORTE Homber cu tabata abusa di muchanan ora di huiswerk condena na 5...

Homber cu tabata abusa di muchanan ora di huiswerk condena na 5 aña di prison

701
0
SHARE
- Advertisement -

ORANJESTAD (AAN): Manera DIARIO a publica, ayera mainta Hues di Corte den Promer Instancia a dicta sentencia den e caso penal contra e homber T. Aunke cu T. ta para riba cu e no a abusa di e muchanan, Fiscal ta hay’e culpable y a exigi 6 aña di prison. Hues tambe ta haya T. culpable y a conden’e na 5 aña di prison.

SENTENCIA                         

Via video conference e sentencia a tuma lugar, caminda un Hues di Corte di Husticia na Curacao a lesa e sentencia pa T., kende tabata den un cuarto na KIA, mientras cu den un sala di Corte na Aruba, abogado mr. Mohamed, prensa, Fiscal y Griffier tabata mira riba pantaya.

   Hues a splica cu e motibo cu e ta dicta sentencia y no e Hues cu a trata e caso, ta pasobra cu e Hues cu a trata e caso, tabata su ultimo caso y a regresa Hulanda. Tabata bunita pa mira un Arubiano Hues estableci na Curacao a lesa e sentencia.

TA CULPABLE

Hues a bisa cu Corte ta haya legalmente proba cu T. a abusa di e dos muchanan menor di edad cu ta famia di su pareha. Durante 2 aña, T. tabata abusa di e muchanan bou di e pretext cu e ta yuda nan cu huiswerk.  

   Hues a bisa cu a usa e declaracionnan di T. mes, di diferente testigonan y e victimanan mes. Hues a reacciona riba e ponencia di abogado cu mester declara T. liber, pasobra e declaracion di e menornan no ta confiabel. E abogado ta haya cu e muchanan no tabata consistente den nan declaracion y a crea duda.

    Hues a bisa cu for di e investigacion mester conclui cu no tabatin penetracion sexual sino cu dede. Hues ta haya cu e declaracion di e muchanan enberdad riba cierto puntonan tabata dudoso pero e diferencianan no ta asina grandi. E detayenan si ta cuadra. Ademas Hues a bisa cu e ta haya cu tin prueba di sosten. Na opinion di Hues, e muchanan a declara e manera y unda e abusonan a sosode. Nan declaracion ta wordo sosteni di e otro mucha, cu ta ruman di un di e victimanan y tambe ta haya ayudo di huiswerk serca T., cu a declara cu e porta di e camber unda cu T. tabata cu e muchanan ta sera na lock. Tambe el a bisa cu ora a habri e porta el a haya e dos muchanan den carson di abao riba cama. Hues a mustra cu esaki ta loke T. mes a declara cu e muchanan tabata den carson di abao y tabata sera e porta na lock.

ABUSA ORA DI HUISWERK

Hues ta haya cu aki ta trata di abuso di dos menor di edad den e mesun camber bao di e pretexto di ta yuda cu huiswerk. Esaki ta wordo sosteni pa declaracion di testigonan. Hues a bisa cu for di investigacion no a sali na cla cu T. tin problema di pedofile of un preferencia di tene relacion. Haya T. culpable di a comete e delito di tabatin relacion sexual cu muchanan bou 12 aña y a haci esaki mas biaha. Ta trata di hechonan grave cu a sosode durante hopi tempo den cas di wela di e muchanan.

HUES A TUMA ACUSADO NA MALO

   Hues a tuma T. na malo cu a abusa di e muchanan mental. E muchanan mester a sinti nan mes sigur na cas di wela. Loke ta haci e caso mas grave ta e hecho cu e muchanan ta famia di T. mes. Hues ta haya cu T. a abusa di e confianza cu e muchanan tin den T. El a bisa cu hechonan asina ta afecta e muchanan den nan desaroyo pa bira adulto.

CASTIGO

Hues a bisa cu den caso normal di abuso di un mucha, Corte ta castiga cu 4 aña di prison. Den e caso aki ta dos mucha y Fiscal a exigi 6 aña. Hues a bisa cu e ta tene cuenta cu raport di psycologo y psychiater cu ta haya T. responsabel. Hues a honra e demanda di daño di e mayornan cu ta 5 mil florin pa cada un. Hues a condena T. na 5 aña di prison, kitando e tempo cu e ta sera den KIA.

 

- Advertisement -

DUNA COMENTARIO

Please enter your comment!
Please enter your name here