Home Hudicial Homber cu a abusa di su mesun yiu muher menor di edad...

Homber cu a abusa di su mesun yiu muher menor di edad condena na 6 aña di prison

141
0
SHARE
- Advertisement -

Hues a confirma exigencia di Fiscal

ORANJESTAD (AAN):  E homber Venezolano D. biba na Aruba, riba Diabierna mainta a scucha Hues confirma e exigencia di Fiscal. Hues ta hay’e culpable di a abusa di su mesun yiu muher y a conden’e na 6 aña di prison. E acusacion contra D. ta cu entre 4 Juni 2016 y 31 October 2019, a abusa di su mesun yiu muher menor di edad y a filma.

     Tratamento di e caso a tuma lugar algun siman pasa caminda a sala na cla cu mama di e mucha ariba e smartphone cu D. a dun’e a mira dos video caminda e ta reconoce D. ta tene relacion sexual cu nan yiu muher N. menor di edad.

    EXIGENCIA DI FISCAL:

     Fiscal a bisa Hues cu e ta haya legalmente proba tur dos acusacion contra D. E partner di D. a haya 2 video riba e smartphone di D. y a reconoce su yiu muher y tambe D. ta tene relacion sexual. D. a admiti cu ta e ta riba e video pero no ta su yiu pero un otro dama. Pero e mucha mes ta admiti cu ta e tabatin relacion cu su tata y cu el a bisa su tata pa no filma pero su tata a haci’e.

   Fiscal haya proba cu diferente biaha durante periodo 4 Juni 2016 pa 31 October 2019, D. a abusa di su yiu y cu riba 2 y 5 April 2019 a filma mientras cu e tabata abusa di su yiu muher. Fiscal a exigi 6 aña di prison.

    SENTENCIA:

   Hues a bisa cu e ta haya legalmente proba cu D. a abusa di su mesun yiu muher. Ariba video por mira puntonan cu ta reconoce kende e persona cu D. tabatin relacion sexual cun’e ta. Nan a reconoce e persona cu ta e yiu muher menor di edad di D. E mucha a declara na trahador social y psicologo cu el a worde abusa door di su tata. El a hasta bisa cu e tabata esun cu ta mira riba e video caminda tabata tene relacion sexual.

   Abogado mr. Edwards den su defensa a bisa cu e mucha tabatin piercing y tattoo cual no ta mira. Hues a rechaza e defensa y a mustra cu ta despues cu e abuso a sosode, e mucha a laga haci e tattoo y pone piercing.

    Hues a tene cuenta cu e hecho cu desde cu e mucha tabatin 12 aña pa tempo largo, D. a abusa di dje. Hues a confirma exigencia di Fiscal y a condena D. na 6 aña di prison.

 

- Advertisement -

DUNA COMENTARIO

Please enter your comment!
Please enter your name here