Home Policial Habitante a frusta e intento di ladronicia na Macuarima

Habitante a frusta e intento di ladronicia na Macuarima

334
0
SHARE
- Advertisement -

ORANJESTAD (AAN): A base di a constata un persona sospechoso, habitantenan a dicidi pa yama pidi presencia di patruya policial.

   Tabata Diabierna atardi pa 4:15 pm, cu presencia di polis a wordo solicita na Macuarima, pa un persona sospechoso.

   Na yegada e habitante di inicial Q. a declara na e agentenan, cu e tabata den sala y diripiente el a mira dos hoben color bruin di entre 20 y 25 aña, sin camisa ta cana den cura di denunciante. Ambos hoben nan cara ta cubri cu T-shirt preto y ta solamente nan wowo bo por a wak.

   Ora cu denunciante a habri porta di sala, y e hobennan straño cu cara tapa a mira e denunciante, ambos hoben a core direccion pazuid pa asina bandona cura di e famia Q.

   Nan a subi tras di otro bay sinta patras di un auto color blanco marca Toyota Tercel. E pasahero dilanti lo ta un hende muher y chauffeur ta un hende homber. E Toyota aki ta staciona na un distancia pa alrededor di 100 meter leu di e cas aki, den sombra bao di palo di kwihi.

   E chauffeur di e vehiculo aki,  a bandona e lugar cu velocidad halto den direction panort.  Patruya policial a controla den e area buscando e vehiculo cu abordo e cuatro sospechoso, pero sin resultado.

   Central di polis a wordo poni na altura y informe adicional, e habitante a declara cu no ta prome cu personanan sospecho ta cana rond di cas. Polis a suministra e habitante information con pa tuma medida pa evita un que otro.

   Posiblemente bon mes cu e ciudadano tabata na cas, como cu kizas e dos hobennan aki tabata buscando cos pa horta.

 

- Advertisement -

DUNA COMENTARIO

Please enter your comment!
Please enter your name here