Home Suceso Guardacosta a coordina un accion di rescate riba lama grandi panort di...

Guardacosta a coordina un accion di rescate riba lama grandi panort di Aruba

128
0
SHARE
- Advertisement -

ORANJESTAD (AAN): E yamada for di Rescue Center na Puerto Rico a drenta na Rescue and Coordination Center (RCC) di Guardacosta di Caribe Hulandes.  E informe a mustra cu tin un boto ta drief den e area cu normalmente e botonan Hulandes aki ta busca pa search and rescue.

   A haya informacion cu cuatro dia prome, e boto aki a sali for di Republica Dominicana pero a haya dificultad tecnico na caminda.  E boto aki tin solamente 1 Outboard Motor.

   A base di esey, RCC di Guardacosta Hulandes a contact personal di Rescate na Republica Dominicana pa haya mas informacion encuanto e boto, pero na Santo Domingo lamentablemente nan no tabatin mas informacion adicional.

    E ora na su turno, RCC a trata di drenta den contacto cu barconan grandi cu lo por ta nabegando den vecindario di e boto aki cu ta drief, pa asina purba di asisti esnan abordo.

   Mientras tanto, RCC a saca un Avion di Guardacosta Hulandes cu a bay bula panort di Aruba pa check si nan por haya e boto aki.  Enberdad, na distancia di hopi miya for di Aruba, nan a bin nota e boto chikito den cual tin 3 persona abordo.

   E barconan Anemone y Cala Pedra cu tabata den vecindario di e boto aki, a contact RCC di Guardacosta y a indica cu nan por bay yuda e hendenan aki.

   E barco di container Cala Pedra a yega como prome na e lugar, pero e no tabata dispone di material pa por asisti e boto aki.  E barco e ora a keda den vecindario si, te ora cu e otro barco di carga (bulk-carrier) Anemone a yega na e lugar.

   E barco Anemone si por a baha un trapi pa asina e tripulantenan por a subi abodo di e barco.  Asina nan a revela na e Capitan, cu nan tur ta Dominicano y cu nan tin 10 dia caba ta drief sin destino riba Lama Caribe.

   E hombernan tur tabata den estado bon di salud, y teniendo na cuenta cu tur medida di distanciamento social y reglanan sanitario, nan a wordo treci door di e barco Anemone y nan a wordo baha na Aruba.  Awor lo bay percura pa e Dominicanonan aki por haya chens di regresa nan pais.

 

- Advertisement -

DUNA COMENTARIO

Please enter your comment!
Please enter your name here