Home Suceso Guardacosta a actua pa rescata famia cu a pega riba rif cu...

Guardacosta a actua pa rescata famia cu a pega riba rif cu nan boto di bela

129
0
SHARE
- Advertisement -

ORANJESTAD (AAN): Tabata Dialuna cu un di e botonan di Guardacosta di Caribe Hulandes, esta e Metal Shark tabata patruyando den vecindario di Mangel

Halto na Aruba.  Esey tabata e momento cu nan a nota cu tin un boto di bela cu tabata pega riba rif di Mangel Halto.

   Nan a mira cu abordo di e boto di bela tabatin diferente persona ta zwaai man pa pidi asistencia. E patruya di Metal Shark a dirigi su mes mesora na e direccion di e boto pa duna asistencia.

   Sinembargo debi na e rif, e Metal Shark no por a yega cerca di e belero, y a keda para di un distancia. Algun personal di Guardacosta y milicia di Caribe a landa bay cerka di e boto pa investiga kico a pasa e boto y check situacion di e hendenan abordo.

   Riba e boto ‘Be Brave’ cu matricula A-2617, tabata tin un famia di 7 persona di cual 4 ta mucha menor di edad. E capitan tabata herida door cu el a trapa riba un ‘zeeappel’ y no por a move su pia.

   Mirando cu solo tabata bahando e momento ey, esnan di e Metal Shark a dicidi di manda un cabuya pa asina mare y trata na saca e boto di bela di unda e tabata pega, pero e intento pa saca e boto no a logra.

   Asina a tuma decision pa baha e famia for di e boto pa no hinca nan den peliger y haci e boto bashi. E personal di Guardacosta a yuda e famia, cu cada uno cu nan jacket di salbabida bisti subi abordo di e Metal Shark.

   Ora nan tur tabata safe riba e boto di patruya di Guardacosta, por a mira con e boto di bela a “lanta un tiki” for di caminda e tabata pega riba e rif.  Esey ta e momento cu e Metal Shark a bolbe haci un intento pa purba un ultimo biaha pa saca e boto for di unda e tabata pega.

   Pa puro suerte a logra saca e boto cu yudanza di personal di Guardacosta den laman pa asina haci menos daño posibel na e rif.

   Despues cu a logra rescata e boto di bela ‘Be Brave’, nan a lastra esaki hiba na altura di Nikky Beach riba anker y a baha e famia na Renaissance Marina unda cu e capitan di e boto lo mester a worde transporta pa Hospital door di e famia pa e ricibi asistencia medico.

   Personal di Guardacosta a desea e capitan un pronto recuperacion.

- Advertisement -

DUNA COMENTARIO

Please enter your comment!
Please enter your name here