Home Gobierno Gobierno a dicidi di habri frontera cu Merca pero cu exigencianan pa...

Gobierno a dicidi di habri frontera cu Merca pero cu exigencianan pa estadonan considera ‘Hot Zones’

1167
0
SHARE
- Advertisement -

Residentenan di otro estadonan mester presenta un test Covid-Negativo

ORANJESTAD (AAN):  Gobierno conhuntamente cu Crisis Team y otro instancianan concerni ta monitorea e situacion di Merca di cerca especialmente debi na e hecho cu fronteranan ta planea pa habri dia 10 di juli proximo.

   Manera ta conoci e pais di Merca ta mirando un crecemento significativo di casonan di infeccion pa cu Covid-19 den cierto estadonan. Den otro estadonan e casonan di infeccion ta bahando, y mester remarca cu mayoria di e turistanan ta bin di e estadonan aki, pues cu e casonan di infeccion ta bahando.

    Sinembargo, Gobierno no kier core riesgo adicional. Pa e motibo aki despues di a evalua e situacion di cerca y siguiendo consehonan di expertonan den e area medico y epidemologico a dicidi di tuma pasonan necesario pa disminui e riesgo pa cu entrada di bishitantenan pa Aruba, y pa tuma pasonan adicional pa loke ta estadonan di halto riesgo. Segun expertonan esaki ta un strategia cu ta “safe” pa Aruba.

    Residentenan di Merca di estadonan cu No ta di halto riesgo, lo wordo permiti pa drenta Aruba, cu e condicion cu ta presenta un test di Covid negativo prome cu vuelo of na entrada na Aruba.

   Sinembargo residente di estadonan di halto riesgo lo wordo exigi pa hasi e test ayanan prome y solamente si e ta negativo y completa e proceso di ED card, por wordo permiti di drenta Aruba.

   Esaki ta significa cu e opcion di haci un test na Aruba na yegada NO lo ta aplicabel pa e bishitantenan aki.

   E rekisito aki lo ta aplicabel pa residentenan di e siguiente estadonan: Alabama, Arizona, Arkansas, California, Colorado, Florida, Georgia, Idaho, Iowa, Kansas, Louisiana, Mississippi, Nevada, North Carolina, Ohio, Oklahoma, Oregon, South Carolina, South Dakota, Tennessee, Texas, Utah, Wisconsin, Wyoming.

  Lo sigui monitorea e situacion na Merca tur dia y lo evalua cada dia kico lo ta e pasonan cu mester wordo tuma pa asina salvaguardia e siguridad di nos comunidad y nos bishitantenan. Ta di remarca cu Aruba su mercadonan principal ta riba bon caminda y ta manehando e virus aki den un manera positivo.

   Aruba ta sigui ta un destinacion hopi popular pa e mercado di Merca pero manera ya menciona tur medidanan mester wordo tuma na cuenta pa asina sigura cu nos isla por maneha e situacion di salud na un manera responsabel.

- Advertisement -

DUNA COMENTARIO

Please enter your comment!
Please enter your name here