Home Cultura Fundacion Rancho cu “Combersacion habri” tocante  “Anti-racismo den trabao comunitario y Esclavitud

Fundacion Rancho cu “Combersacion habri” tocante  “Anti-racismo den trabao comunitario y Esclavitud

29
0
SHARE
- Advertisement -

Clifford Rosa ta splica:

ORANJESTAD (AAN) – En conexion cu e Dia Internacional di Abolicion di Esclavitud, cu a wordo celebra dia 1 di Juli, Fundacion Rancho a organiza un combersacion habri, pa trata e tema di “Anti-racismo den trabao comunitario”.

E evento aki a tuma lugar den e Auditorio di Museo Arkeologico di Aruba.

Clifford Rosa, presidente di Fundacion Rancho, a elabora den entrevista cu DIARIO tocante e evento aki. Esaki ta un tema hopi importante pa e fundacion debi na tur loke a sosode relaciona cu e pandemia Covid-19, y tambe e movecion cu tabata tin na Merca y cu awendia ta sosode na henter mundo den cuestion di seconde.

Pero esaki tambe tin di haber cu e placer di haci algo relaciona cu e Dia Internacional di Abolicion di Esclavitud, Rosa a subraya.

Den colaboracion estrecho cu Museo Arkeologico, e Fundacion a haci uso di e auditorio pa elabora riba e tema, locual a tuma lugar Diahuebs 2 di Juli.

Tres experto a haci presentacion di tanto e tema di Esclavitud como di Anti-racismo Comunitario. E tres persona cu a haci e presentacion ta Ramon Todd-Dandare, cu a elabora riba Esclavitud y Colonialismo, diferente forma di racismo; Yolanda Richardson cu a referi na e tema Racismo den Enseñanza, y un invitado special cu ta un dama studiante cu ta bezig cu investigacionnan na Aruba y na Corsow.

El a elabora riba lenguahe pero tambe riba e aspecto di racismo, dunando un contribucion hopi importante.

E conversacion habri aki ta hopi importante riba tereno educativo, ya cu na Aruba falta hopi informacion den enseñanza, y Fundacion Rancho ta haciendo hopi esfuerzo pa yuda aporta material necesario, manera e temanan cu a wordo trata durante e evento aki.

- Advertisement -

DUNA COMENTARIO

Please enter your comment!
Please enter your name here