Home General Esnan cu ta traha den construccion a constata cu prijs di algun...

Esnan cu ta traha den construccion a constata cu prijs di algun materialnan a subi te hasta den un 100%

878
0
SHARE
- Advertisement -

ORANJESTAD (AAN):   Informenan cu ta yegando na mesa di redaccion di DIARIO ta mustra cu e crisis di Covid-19 tambe ta afectando e sector di construccion.

Segun algun persona cu ta traha den e sector aki, nan ta constatando cu e prijs di algun di e materialnan a subi te hasta den un 100%.

Ora di bay cumpra, por ehempel, un caha di scruf, ta bin topa cu e prijs a subi di 10 florin pa mas di 20 florin. Esaki djis pa menciona algun ehempel.

Parce cu esaki ta e caso cu e prijs di otro materialnan. A kere cu e crisis lo yuda wanta e prijsnan pa asina duna un alivio na esnan cu mester di cumpra material ya sea pa drecha nan cas of pa traha algun proyecto.

Loke DIARIO a haya sa ta cu esey no ta e caso. Algun comerciante nan prijsnan a subi durante y post-Covid.

Awor cu Aruba ta den un fase di recuperacion economico ta di espera cu por yuda economia recupera, pero pa esaki e comerciantenan mester di e consumidornan y e consumidornan mester di ayudo di e comerciantenan pa tur hunto sobrevivi e crisis aki cu a laga hopi hende sin trabao of cu tiki entrada.

Abuso cu prijs a wordo cometi durante e inicio di e pandemia. Awor lo ta bon pa cuminsa tene cuenta cu prijs di material di construccion pa evita un competencia inhusto y abuso contra e consumidor.

 

- Advertisement -

DUNA COMENTARIO

Please enter your comment!
Please enter your name here