Home Hudicial Entre 5 y 12 aña di prison pa grupo cu a haci...

Entre 5 y 12 aña di prison pa grupo cu a haci un cantidad di asalto arma

143
0
SHARE
- Advertisement -

Hues a baha cu man duro

ORANJESTAD (AAN)  – Diabierna mainta e hombernan T.P., A.B., N.S., S.F. M.C. via video conference a scucha nan sentencia. Hues ta haya nan culpable di e asaltonan arma cu nan a haci. Fiscal a exigi castigo mas pisa pa nan pero Hues, den mayoria di e casonan, a baha e castigo.

  Algun siman pasa tratamento di e caso a tuma lugar caminda a sali na cla cu un total di 6 asalto arma a tuma lugar y mayoria tabata na supermercado Chines y un Pool Bar. Fiscal a exigi pa T.P. 14 aña di prison, A.B., 11 aña di prison, S.F., 8 aña di prison, M.C. 8 aña di prison y N.S. 6 aña di prison.

SENTENCIA

Hues ta haya e grupo culpable di e asaltonan arma na 6 supermercado Chines. Ta casonan hopi serio. Tur e victimanan a keda traumatisa. Hues ta tuma nan tur na malo. Hues ta haya cu nan a sacudi henter comunidad cu e asaltonan arma aki caminda tabatin violencia riba esnan den supermercadonan. Hues a haya T.P. culpable di 6 asalto arma y a conden’e na 12 aña. Ta asina cu T.P. tabata desmenti tur cos den Corte.

   Hues a declara A.B. liber pa 1 asalto arma y culpable di 3 asalto arma. Hues a bisa cu riba e video di seguridad no por mira bon. Pa cu e castigo, el a tene cuenta cu A.B. a coopera cu investigacion. Hues a condena A.B. na 6 aña di prison.

   Hues ta haya N.S. culapbel di 2 asalto arma caminda a menaza hende cu arma. Na un pool bar a usa violencia pisa. Hues a condena N.S. na 5 aña di prison.

   Hues ta haya S.F. culpable di 3 asalto arma. Hues a tene na cuenta cu S.F. a admiti y a bisa con tur cos a sosode. El a condena S.F. na 7 aña di prison.

   Hues ta haya M.C. culpable di 2 asalto arma. Ta asina cu M.C. a cuminsa reclama cu no tin ningun prueba. Hues a hala su atencion cu e mester keda keto ora cu Hues ta bisa su sentencia. Hues a sigui bisa cu M.C. tambe a participa den e asalto cu violencia na un pool bar. Por a mira cu mientras cu Hues ta lesa e sentencia, M.C. tabata come un appel. Ora di e castigo, el a stop di come pa scucha bon. Hues a conden’e na 6 aña di prison.

 

- Advertisement -

DUNA COMENTARIO

Please enter your comment!
Please enter your name here